نوبېل ئىقتىساد پەنلىرى مۇكاپاتىنىڭ ساھىبى مىلتون (Milton Friedman) بۇرۇن مۇنداق دېگەن: پۇل پاخاللىقى جەمئىيەتنىڭ نورمال ئىقتىسادى پائالىيىتىگە چۈشكەن ۋابا. ئەگەر بۇنىڭغا ئىشسىزلىق نىسبىتى قوشۇلىدىغان بولسا بۇ خىل ئەھۋالنى تەسۋىرلەپ بېرەلەيدىغان سۆز پەقەت-ئازاب-ئوقۇبەت بولۇشى مۇمكىن.

      بۇ يىللىق ئېچىنىشلىق كۆرسەتكۈچى دە كۆرسىتىلىشىچە، بۇ يىل ۋېنسۇئېلا بۇ تىزىملىكتە يەنە 1-ئورۇنغا تىزىلغان، ئۇنىڭدىن قالسا ئارگېنتىنا، جەنۇبى ئافرىقا، گىرېتسىيە ۋە ئۇكرائىنا قاتارلىق دۆلەتلەر ئالدىدىكى 5-ئورۇنغا تىزىلغان. (ئېچىنىشلىق كۆرسەتكۈچى (Misery index) : ئىشسىزلىق نىسبىتى + پۇل پاخاللىقى).

بۇلتۇر ۋېنسۇئېلادىكى پۇل پاخاللىقى نىسبىتى %98 كە يەتكەن بولۇپ، ئىشسىزلىق نىسبىتىمۇ %8.6 كە يەتكەن. بۇ يىل مال باھاسىنىڭ يەنە %152 ئۆسۈپ ئىشسىزلىق نىسبىتىنىڭ %7.7 كە يېتىشى مۆلچەرلەنمەكتە.

بىراق نىڭ مۆلچەرىچە، ۋېنسۇئېلانىڭ بۇ يىللىق پۇل پاخاللىقى نىسبىتى %720 گە يېتىدىكەن. بۇ ۋېنسۇئېلا ھۆكۈمىتى ئېلان قىلغان بۇلتۇرقى ئەڭ يېڭى پۇل پاخاللىقى نىسبىتىنىڭ بەش ھەسسىسىدىنمۇ ئېشىپ كېتىدۇ، ئەگەر راستتىنلا مۇشۇنداق بولۇپ قالسا بۇ دۇنيا تارىخىدىكى ئەڭ ئېچىنىشلىق پۇل پاخاللىقى ھادىسىسى بولۇپ قالىدىكەن.

نېفىت سانائىتى ۋېنسۇئېلانىڭ %25 GDP سىنى قامداپ كېلىۋاتقان ئىدى. لېكىن بۇنداق نېفىتكە بېقىنىۋالغان ئىقتىسادى تۈزۈلمە يېقىنقى ئىككى يىلدىن بۇيان ۋېنسۇئېلا ئىقتىسادىنى ئېغىر خەۋپكە پاتۇرۇپ قويدى. بۇنىڭدىن باشقا، ۋېنسۇئېلا ھۆكۈمىتى يەنە گەدىنىدىكى 10 مىليارد ئامېرىكا دوللىرى كېلىدىغان خەلقئارالىق زايومنى قايتۇرۇشى لازىم.

    ئىككىنچى ئورۇنغا تىزىلغان ئارگېنتىنا ھۆكۈمىتى دۆلەتلىك ئىستاتىستىكا ئىدارىسىنىڭ مەلۇماتلىرىغا قارىتا چوڭ كۆلەملىك «تەكشۈرۈپ تۈزىتىش» ئېلىپ بېرىۋاتقان بولۇپ. دۆلەتنىڭ ئىقتىساد كۆرسەتكۈچلىرىگە مۇناسىۋەتلىك مەلۇماتلارنى ئاشكارىلىمىغان. ۋېنسۇئېلا بىلەن ئارگېنتىنا ئۆز دۆلىتىدىكى پۇل پاخاللىقى نىسبىتىدىن بېشى قېتىپ تۇرۇۋاتىدۇ. لېكىن ئۇكرائىنا، گىرېتسىيە ۋە جەنۇبى ئافرىقا قاتارلىق دۆلەتلەر بولسا ئىشسىزلىق نىسبىتىنىڭ ئۆرلەپ كېتىشىدەك خەۋپكە دۇچ كېلىۋاتىدۇ .

     رۇسىيەنىڭ 2015-يىلىدىكى GDPسى %3.7 چۈشكەن بولۇپ، بۇ يىل يەنە ماي باھاسىنىڭ چۈشۈشىگە ئەگىشىپ داۋاملىق چۈشۈۋاتىدۇ. خەلقنىڭ ئىقتىسادى يۈكى ئېغىرلاپ، رۇسىيە ئىقتىسادىدا شەكىللىك ئىقتىسادى يۈزلىنىش پەيدا بولۇشقا باشلىدى. 2017-يىلىغا بارغاندا بەلكىم %1.3 لىك ئېشىش ۋەزىيىتى كۆرۈلۈشى مۇمكىن.

دۇنيادىكى 63 دۆلەتنىڭ ئېچىنىشلىق كۆرسەتكۈچىدە تايلاند ئەڭ ئاخىرقى ئورۇنغا تىزىلغان بولۇپ دۇنيادىكى «ئەڭ بەختلىك» دۆلەت بولۇپ قالغان. 55-ئورۇندىن 62-ئورۇنغىچە تىزىلغان دۆلەتلەر: جۇڭگو شياڭگاڭ، جۇڭگو، كورېيە، جۇڭگو تەيۋەن، ياپونىيە، شىۋېتسىيە ۋە سىنگاپور قاتارلىقلار ئىكەن.