19-يانۋار، تۇرپاندا قېلىن قار ياغدى.  

      20-يانۋار، مۇخبىرنىڭ تۇرپان ۋىلايەتلىك مېتېئورولوگىيە تارماقلىرىدىن ئىگىلىشىچە، 19-يانۋار تۇرپان ئىدىقۇت رايونى 2016-يىلدىكى تۇنجى قارنى كۈتۈۋالغان. توختىماي تۆكۈلگەن قار گۈللىرى پۈتۈن شەھەرگە كۈمۈش رەڭلىك تون كىيگۈزۈپ، قار ئاستىدا قالغان تاشيوللاردا پىيادىلەر ۋە ئاپتوموبىللارنىڭ يول يۈرۈشى تەسكە توختىغان. بۇ قېتىم ياغقان قار ئۇدا 20 نەچچە سائەت داۋاملىشىپ، 35 يىلدىن بۇيان تارىختىكى ئوخشاش مەزگىلدە ياغقان ئەڭ قېلىن  قار بولۇپ قالغان.

   ئىگىلىنىشچە، 18-يانۋار كېچىدىن 19-يانۋار چۈشتىن كېيىن سائەت 18:00 كىچە تۇرپان شەھىرىدە ئومۇميۈزلۈك ئوتتۇرھال قار ياغقان. بۇنىڭ ئىچىدە ئىدىقۇت رايونىدا 5.2 مىللىمېتىر، پىچان ناھىيەسىدە 5.3 مىللىمېتىر قېلىنلىقتا قار ياغقان. 19-يانۋار كۈندۈزدىن 20-يانۋار كېچىگىچە تۇرپان شەھىرىدە ھاۋا بۇلۇتلۇق بولۇپ، ئويمانلىق رايونلاردا ئازراق قار ياغقان. تاغلىق رايوندا ئوتتۇرھال قار يېغىپ، قىسمەن رايونلاردا قاتتىق قار ياغقان. توقسۇن ۋە تۇرپان-پىچان شامال ئېغىزىدا پەيتىلىك بوران كۈچى ئالتە بالغا يەتكەن. ھاۋا ئېچىلغاندىن كېيىن تېمپېراتۇرا℃5 ئەتراپىدا تۆۋەنلىگەن. 

                             خەلق ساقچىلىرى ۋە قاتناش ساقچىلىرى يوللاردىكى قارلارنى تازلىماقتا.