دەرىجىدىن تاشقىرى سوغۇق ئېقىمنىڭ تەسىرىدە بىرقانچە كۈندىن بۇيان، ئېلىمىزنىڭ جەنۇبىىكى نۇرغۇن جايلاردا تېمپۇراتۇرا تۆۋەنلەش، قار يېغىش، مۇز تۇتۇش، قاتتىق بوران چىقىش قاتارلىق ناچار ھاۋا رايى كۆرۈلۈپ، يەرلىكتىكى ئاممىنىڭ ئىشلەپچىقىرىش، تۇرمۇشىغا تەسىر يەتكۈزدى، جايلار پائال تەدبىر قوللىنپ، ئاممىنىڭ ئىشلەپچىقىرىش، تۇرمۇش بىخەتەرلىكىگە كاپالەتلىك قىلماقتا.

        23-يانۋار سەھەردىن باشلاپ، شاڭخەيدا قار ياغدى، قىسمەن يوللاردا قىسقا ۋاقىت قار يىغىلىپ قالدى، پۈتۈن شەھەرنىڭ تېمپۇراتۇرىسى نۆلدىن تۆۋەن 2 سېلسىيە گىرادۇسقا چۈشتى، ھەرقايسى تەرەپلەر تولۇق تەييارلىق قىلغاچقا پۈتۈن شەھەرنىڭ خىزمەتلىرى ئاساسەن نورمال يۈرۈشتى.

       ئۇنىڭدىن باشقا، جېجياڭ، فۇجيەن، خەينەن، سىچۈەن ئۆلكىلىرى ۋە گۈيجۇ ئۆلكىسى ئوخشاش بولمىغان دەرىجىدە سوغۇق ئېقىم ۋە يامغۇر، قار، مۇز قاتارلىق ناچار ھاۋا رايىنىڭ تەسىرىگە ئۇچرىدى، خەلق ئاۋىياتسىيەسى، يولۇچىلار تىرانسپورتى، يۇقۇرى سۈرئەتلىك تاشيول قاتارلىقلار پائال تاقابىل تۇرۇپ، سەپەر بىخەتەرلىكىگە ھەقىقى كاپالەتلىك قىلدى.