ئامېرىكا «ۋاشىنگىتون كۈندىلىك پوچتا گېزىتى» نىڭ 19-چېسلا خەۋەر قىلىشىچە، روسىيە جىددىي ئەھۋال مىنىستىرلىقىنىڭ ئاشكارلىشىچە، روسىيەدە چۈشۈپ كەتكەن دۇبەي يولۇچىلار ئايروپىلاندىكى 55 ئادەمنىڭ ھەممىسى قازا قىلغان. چەت ئەل تاراتقۇلىرىنىڭ خەۋەر قىلىشىچە، مەلۇم بىر يولۇچىلار ئايروپىلانى شۇ جاي ۋاقتى 19-چېسلا روسىيە چېگرىسى ئىچىدە چۈشۈپ كەتكەن.

رۇسىيە تاراتقۇلىرىنىڭ 19-چېسلا خەۋەر قىلىشىچە، دۇبەيدىن ھاۋاغا كۆتۈرۈلگەن بويىن تىپلىق يولۇچىلار ئايروپىلانى روسىيەنىڭ جەنۇبىدىكى روستوۋ (Rostov) شەھىرىدە چۈشۈپ كەتكەن بولۇپ، ئايروپىلاندىكى 50 نەچچە كىشىنىڭ ھەممىسى قازا قىلغان، ئايروپىلاننىڭ چۈشۈپ كېتىش سەۋەبى بەلكىم ئۇچۇش-قونۇش سۇپىسىنى كۆرۈش ئارىلىقى بەكلا ناچار بولغان بولۇشى مۇمكىن ئىكەن.روسىيە ئاۋىئاتسىيە شىركىتىنىڭ مەلۇم بىر ئەمەلدارى مۇنداق دېدى، چۈشۈپ كەتكەن مەزكۇر ئايروپىلان دۇبەي ئاۋىئاتسىيەسى (FlyDubai) گە

تەۋە بولۇپ، FZ981-نۆۋەتلىك يولۇچىلار ئايروپىلانى ئىكەن. مەزكۇر ئايروپىلان ئىككىنچى قېتىم قونماقچى بولغاندا ئۇچۇش-قونۇش سۇپىسىدىن 50-100 مېتىر يىراقلىققا چۈشۈپ كەتكەن بولۇپ، ئايروپىلان قونماقچى بولغاندا كۆرۈش ئارىلىقى بەكلا ناچار ئىكەن.

خەۋەردە دېيىلىشىچە، مەزكۇر ئايروپىلاندا 55 ئادەم بار بولۇپ، بارلىق ئايروپىلان خادىملىرى ۋە يولۇچىلارنىڭ ھەممىسى قازا قىلغان. باشقا تاراتقۇلارنىڭ خەۋەر قىلىشىچە، ئايروپىلاندا 59 ئادەم بار بولۇپ، جۇڭگولۇق يولۇچى بار-يوقلىقى ئېنىق ئەمەس ئىكەن. ئىگىلىنىشىچە، ئايروپىلان چۈشۈپ كەتكەندىن كېيىن ئوت كەتكەن.