پەسىل قۇشلىرىنىڭ قىش پەسلىدە ئېلىمىزدە قىشتىن ئۆتۈش ئەھۋالى ۋە سان ئۆزگىرىشىنى ئىگىلەش، قۇش تۈرى بايلىقىنى تېخىمۇ ياخشى قوغداش ئۈچۈن، تۇنجى قېتىملىق كەڭ كۆلەمدە قۇشلارنى قىش پەسلىدە تەڭ قەدەمدە تەكشۈرۈش 8-يانۋار مەملىكەت تەۋەسىدە قانات يايدۇرۇلدى.

    دۆلەتلىك ئومانچىلىق ئىدارىسىنىڭ ئاشكارىلىشىچە، تەڭ قەدەمدە تەكشۈرۈش ۋاقتى 10 كۈن بولىدىكەن، پۈتۈن مەملىكەتتىكى 1000 دىن ئارتۇق سۇ قۇشلىرى مۇھىم ئورنى، تۇرنا، ياۋا غاز قاتارلىق 70 تۈرلۈكتىن ئارتۇق قۇش تەكشۈرىلىدىكەن. بۇنداق ياۋايى ھايۋانلار مەخسۇس بايلىقىنى تەڭ قەدەمدە تەكشۈرۈش ئېلىمىزدە تۇنجى قېتىم قانات يايدۇرۇلدى، شۇنداقلا مەملىكەت بويىچە 2- قېتىملىق قۇرۇقلۇقتا ياشايدىغان ياۋايى ھايۋانلار بايلىقىنى تەكشۈرۈشنىڭ مۇھىم تەركىبىي قىسمى. قۇشلارنى تەڭ قەدەمدە تەكشۈرۈش- بىرلىككە كەلگەن تەكشۈرۈش ئۇسۇلى ۋە تېخىكا ئۆلچىمى بويىچە، كۆپ ئادەم كۆپ يەردە ئوخشاش بولمىغان رايون ياكى ئوخشاش بىر رايوندىكى ئوخشاش بولمىغان جايدىكى قۇشلارنىڭ سانى، ئورنى ۋە مۇھىتىنى ئىستاتىستىكا قىلىش ۋە خاتىرلەپ مەخسۇس تەكشۈرۈشنى كۆرسىتىدۇ.