گوۋۇيۈەن زوڭلىسى لى كېچياڭ ئەنگلىيىنىڭ باش ۋەزىرى كامېروننىڭ تەكلىپىگە بىنائەن شۇ يەرنىڭ ۋاقتى 16-ئىيۇن چۈشتىن كېيىن مەخسۇس ئايروپىلان بىلەن لوندونغا يېتىپ بېرىپ، ئەنگلىيىدىكى رەسمىي زىيارىتىنى باشلىدى. لى كېچياڭنىڭ رەپىقىسى چېڭ خوڭمۇ شۇ ئايروپىلاندا باردى.

لى كېچياڭ مۇنۇلارنى بىلدۈردى: بۇ يىل جۇڭگو بىلەن ئەنگلىيە ئومۇميۈزلۈك ئىستراتېگىيىلىك شېرىكلىك مۇناسىۋىتى ئورناتقانلىقىنىڭ 10 يىللىقى، ئىككى دۆلەت مۇناسىۋىتى يۇقىرى بىلەن تۆۋەننى باغلاشنىڭ مۇھىم پۇرسىتىدە تۇرماقتا. مەن ئەنگلىيە رەھبەرلىرى بىلەن ئىككى تەرەپلىك قاتارلىق ئورتاق كۆڭۈل بۆلىدىغان مەسىلىلەردە چوڭقۇر پىكىر ئالماشتۇرۇپ، ئىككى دۆلەت مۇناسىۋىتى ئۈچۈن يېڭى يول پىلانلاپ، يېڭى كۈچ قوشۇپ، ئىككى دۆلەت مۇناسىۋىتىنى يېڭى ئون يىلدا تىز سۈرەتتە ئىلگىرى سۈرۈشنى كۈتمەكتىمەن.

ئەنگلىيە ھۆكۈمىتىنىڭ ئالىي ئەمەلدارلىرى بىلەن جۇڭگونىڭ ئەنگلىيىدە تۇرۇشلۇق باش ئەلچىسى ليۇ شياۋمىڭ ئايرودرومغا چىقىپ زۇڭلى لى كېچياڭ ۋە ئۇنىڭ رەپىقىسىنى كۈتۈۋالدى.
لى كېچياڭ زىيارەت مەزگىلىدە ئەنگلىيىنىڭ ئايال پادىشاھى ئىلزابىت ئىككىنىچى بىلەن كۆرۈشىدۇ. كامېرون بىلەن ئىككى دۆلەت زوڭلىلىرىنىڭ يىللىق ئۇچرىشىش يىغىنى ئۆتكۈزىدۇ. ئەنگلىيە ئەقىل ئىسكىلاتىدا نۇتۇق سۆزلەيدۇ. جۇڭگو ئەنگلىيە يەر شارى ئىقتىسادىي يۇمىلاق ئۈستەل يىغىنى ۋە جۇڭگو ئەنگلىيە پۇل مۇئامىلە مۇنبىرى قاتارلىق پائالىيەتلەرگە قاتنىشىدۇ ھەمدە ئىككى دۆلەتنىڭ سودا سانائەت قاتارلىق ساھەلىرىدىكى ئەربابلىرى بىلەن كۆرۈشتى.