بىرلەشكەن دۆلەتلەر تەشكىلاتى خەۋپسىزلىك كېڭىشى 30-دېكابىر ئىسرائىلىيەنىڭ ئىگىلىۋېلىنغان پەلەستىن زېمىنىدىكى ئىشغالىيىتىنى ئاياغلاشتۇرۇشنى تەلەپ قىلىش ھەققىدىكى قارار لايىھەسىنى ئاۋازغا قويدى، نەتىجىدە قارار لايىھەسى ماقۇللانمىدى.

شۇ كۈندىكى ئاۋاز بېرىشتە سەككىز ئاۋاز قوشۇلدى، ئىككى ئاۋاز قارشى تۇردى، بەش ئاۋاز ھوقۇقىدىن ۋاز كەچتى. فىرانسىيە، جۇڭگو، ئىيوردانىيە ، رۇسىيە قاتارلىقلار قوشۇلۇپ ئاۋاز بەردى. ئامېرىكا بىلەن ئاۋسترالىيە قارشى ئاۋاز بەردى.

خەۋپسىزلىك كېڭىشىگە ئەزا 15 دۆلەت بار، خەۋپسىزلىك كېڭىشىدە قارار ماقۇللاشتا، توققۇز ئاۋاز قۇشۇلۇشى، ھەر قانداق دائىمىي ئەزا دۆلەت قارشى ئاۋاز بەرمەسلىكى كېرەك. بۇ قارار لايىھەسىدە قارار ماقۇللىنىپ بىر يىل ئىچىدە ئادىل، ئۇزاق مۇددەتلىك، ئومۇميۈزلۈك تىنچ يول بىلەن ھەل قىلىش لايىھەسىنى ھاسىل قىلىپ، ئىسرائىلىيەنىڭ 1967-يىلىدىن بۇيانقى پەلەستىن زېمىنىدىكى ئىشغالىيىتىنى ئاياغلاشتۇرۇشى تەلەپ قىلىندى.