بىرلەشكەن  دۆلەتلەر تەشكىلاتى خەۋپسىزلىك كېڭىشى 4- يانۋار كەچتە تاراتقۇلارغا بايانات ئېلان  قىلىپ، سەئۇدى ئەرەبىستانىنىڭ ئىراندا تۇرۇشلۇق ئەلچىخانىسىنىڭ ھۇجۇمغا  ئۇچرىغانلىقىنى ۋە ئېغىر زىيان كەلتۈرۈپ چىقارغانلىقىنى ئەڭ كۈچلۈك ئەيىبلىدى.  خەۋپسىزلىك كېڭىشى بۇنىڭغا قاتتىق دىققەت قىلىدىغانلىقىنى بىلدۈردى، ھەمدە ئىران  ھۆكۈمىتىنىڭ ئۆزىنىڭ خەلقئارا مەجبۇرىيىتىنى تولۇق ئادا قىلىپ، دىپلوماتىيە، كونسۇل  ئورگانلىرى ۋە خادىملىرىنىڭ بىخەتەرلىكىنى قوغدىشىنى مۇراجىئەت قىلدى. باياناتتا  يەنە مۇنداق دېيىلدى: خەۋپسىزلىك كېڭىشى ئىككى تەرەپنىڭ سۆزلىشىشنى ساقلاپ، تەدبىر  قوللىنىپ نۆۋەتتىكى رايون جىددىي ۋەزىيىتىنى پەسەيتىشىنى مۇراجىئەت قىلدى. شۇ كۈنى،  سەئۇدى ئەرەبىستانىنىڭ بىرلەشكەن دۆلەتلەر تەشكىلاتىدا دائىمىي تۇرۇشلۇق ۋەكىلى  ئابدۇللا، مۇئالىم تاراتقۇلارغا مۇنداق دېدى: سەئۇدى ئەرەبىستانىنىڭ ئىران بىلەن  بولغان دىپلوماتىك مۇناسىۋىتىنى ئۈزۈشىنىڭ سەئۇدى ئەرەبىستانىنىڭ سۇرىيە بىلەن  يەمەننىڭ سىياسىي مۇساپىسىدا كۆرسىتىۋاتقان رولىغا تەسىر كۆرسەتمەيدۇ، سەئۇدى  ئەرەبىستانى مۇشۇ ئاينىڭ ئاخىرلىرى ئۆتكۈزۈلىدىغان سۇرىيەدىكى ھەر قايسى  تەرەپلەرنىڭ تىنچلىق سۆھبىتىگە قاتنىشىدۇ.