ئاۋىستىرالىيە تاراتقۇلىرىنىڭ خەۋىرىگە ئاساسلانغاندا، «چوڭ كەچۈرۈم خەلقئارا تەشكىلاتى» نىڭ 8-دېكابىردىكى دوكلاتىدا، 2014-يىلى 6-ئايدا ئىراقنىڭ ئىككىنجى چوڭ شەھىرى موسۇل قولدىن كەتكەندىن كېيىن، رادىكال تەشكىلات «ئىسلام خەلىپىلىكى» ئىراقنىڭ قورال-ياراغ ئىسكىلاتىدىن زور مىقداردا خەلقئارادىن كىرگۈزۈلگەن قوراللارغا ئېرىشكەنلىكىنى بىلدۈرگەن. مۇتەخەسىسلەر نەچچە مىڭ فىلىم ۋە رەسىملەرنى ئانالىز قىلىش ئارقىلىق، «ئىسلام خەلىپىلىكى» تەشكىلاتى ئىشلەتكەن قوراللارنىڭ 100 خىلدىن ئاشىدىغانلىقىنى، بۇ قوراللارنىڭ ئاز بولغاندا 25 دۆلەتتىن كىرگۈزۈلگەنلىكىنى جەزملەشتۈرگەن. بۇ دۆلەتلەرنىڭ ئىچىدە ھازىر بۇ تېررورلۇق تەشكىلاتىغا زەربە بېرىۋاتقان ئامېرىكا، روسىيە ۋە ياۋروپا ئىتتىپاقىدىكى دۆلەتلەرمۇ بار ئىكەن.

      ئېگىلىنىشىچە، «ئىسلام خەلىپىلىكى» تەشكىلاتى ئىشلىتىۋاتقان ئالدىنقى قاتاردا تۇرىدىغان قوراللار بولسا مۇداپىئە سېستىمىسى، تانكا ئاتار، بىرونىۋىك قاتارلىقلار بولۇپ، قول تاپانچىسى، پىلىموت، تانكا ئاتار قاتارلىق قوراللارنىڭ ئىشلەنگەن ۋاقتى ئالدىنقى ئەسىرنىڭ 70-يىلىدىن 90-يىلىغىچە بولغان. ئاپتوماتلارنىڭ ئىچىدە روسىيە ياساپ چىقارغان بى تۈرلۈك AK ئاپتوماتى، ئامېرىكا ياساپ چىقارغان M16 ئاپتوماتى قاتارلىقلار بار ئىكەن.