17-مارت مۇخبىرنىڭ ئىگىلىشىچە، ھازىر شەھەر ئاھالىلىرى ئاممىۋى ئاپتوبۇس ۋە تاكسىغا ئولتۇرغاندا قىزىلتاغ راۋان كارتىسىنى ئىشلىتىپلا قالماي، يەنە بانكا كارتىسى ئارقىلىق پۇل تۆلىسىمۇ بولىدىكەن، لېكىن ھازىرچە پەقەت قاتناش بانكىسى، قۇرۇلۇش بانكىسى، ئۈرۈمچى شەھەرلىك سودا بانكىسى قاتارلىق بانكىلارنىڭ راۋان كارتا شىركىتى بىلەن بىرلىشىپ تارقاتقان كارتىسى ئارقىلىقلا پۇل تۆلەشكە بولىدىكەن.
قىزىلتاغ راۋان كارتا چەكلىك مەسئۇلىيەت شىركىتىدىكى مەسئۇل خادىمنىڭ بىلدۈرۈشىچە، نۆۋەتتە ئۈرۈمچى شەھىرىدە 2140 تاكسىغا POS ئەسۋابى سەپلەنگەن بولۇپ، قاتناش بانكىسى، قۇرۇلۇش بانكىسى، ئۈرۈمچى شەھەرلىك سودا بانكىسىنىڭ كارتىسىنى ئىشلىتىدىغان شەھەر ئاھالىلىرى بانكىغا بېرىپ راۋان كارتا كەسپىنى ئاچقۇزغاندىن كېيىن، تاكسىلاردا بانكا كارتىسى ئارقىلىق پۇل تۆلىيەلەيدىكەن.
ئىگىلىنىشىچە، نۆۋەتتە ئۈرۈمچى شەھىرىدە جەمئىي 12 مىڭ 188 تاكسى بار بولۇپ، بۇنىڭ ئىچىدە شەھەر رايونىدا جەمئىي 10 مىڭ 647 تاكسى، رايونلار ئارا قاتنايدىغان 1541 تاكسى، مىچۈەن-كۆكتاغ رايونىدا 776 تاكسى بار ئىكەن.