جاھان ئاگېنتلىقى 2-ئاپرېل خەۋىرى؛ لەگلەك تورى تەرجىمىسى: كېنىيەدە بىر توپ نىقابلانغان كىشىلەر گارىسسا بازىدىكى ئۇنىۋېرستىت ياتاق بىناسىغا بېسىپ كىردى، نەخ مەيداندىكى كىشىلەرنىڭ ئېيتىشىچە، مەكتەپ ئىچىدە قۇرال ۋە پارتىلاش ئاۋازى ئاڭلاندى. ساقچىلارنىڭ ئېيتىشىچە، قۇراللىق كىشىلەر مەكتەپنىڭ ئىككى نەپەر خادىمىنى ئۆلتۈرگەن.
ساقچى باياناتچىسى زىپوراھ مبوروكى ، ئەلجەزىرە مۇخبرىغا سۆز قىلىپ، «قۇراللىق كىشىلەر ئۇنىۋېرستىت كىرىش ئېغىزىدىكى قاراۋۇللارغا ئوق چىقاردى. ساقچىلار ئۇلارغا قارشىلىق بىلدۈردى ئەمما قۇراللىق كىشىلەر مەكتەپ ئىچىگە كىردى. شۇئاندا ئوقۇغۇچىلار ئارىسىدا ئۆلۈم-يىتىم ئەھۋالى بار-يوقلىقىنى بىلمەيمىز» دېدى. مەكتەپ ئەتراپىغا كېنىيە ئارمىيسى ئەسكەرلىرى ئورۇنلاشتۇرۇلدى.
مەكتەپ ياتىقىدا 500 ئوقۇغۇچى بولۇپ ، بىر قىسىم ئوقۇغۇچىلار مەكتەپتىن قېچىپ چىققان، ئۇلارنىڭ ئېيتىشىچە 5 نەپەر قۇراللىق كىشى ئوقۇغۇچىلار ئۇخلاۋاتقان ۋاقىتتا ئۇنىۋېرستىت ياتىقىغا بېسىپ كىرگەن.
2013-يىلى سىنتەبىردە كېنىيە پايتەختى نايروبىدا بىر تاللا بازىرى ھۇجۇمغا ئۇچراپ 67 كىشى ھاياتىدىن ئايرىلغان ئىدى. بۇ ھۇجۇمنى كېنىيەنىڭ سومالىدىكى ھەربىي مەۋجۇتلىقىغا قارشى جاۋاپ سۈپىتىدە «ئەش شاباب تەشكىلاتى» ئۈستىگە ئالغان ئىدى.

لەگلەك تورى ئۈندىدار سالونىنى قوشۇۋېلىڭ! ئىزدەش ئادرېسى: LEGLEK