سىنا تورى خەۋىرى لەگلەك تورى تەرجىمىسى .ھەرىكەت چوڭ مېڭىنى ساغلاملاشتۇرىدىغان ئەڭ ياخشى ۋاستە،ئۇ ئەستە تۇتۇش ئىقتىدارىنى ياخشىلاپلا قالماستىن يەنە چوڭ مېڭىدە بولىدىغان تۈرلۈك كېسەللىكلەرنىڭ ئالدىنى ئالىدۇ.يېقىندا ئامرېكىلىق مۇتەخەسسىلەر ئېلان قىلىپ كىشىلەرگە چوڭ مېڭىگە پايدىلىق ئالتە ھەرىكەتنى تۇنۇشتۇردى.

ئۇسسۇل ئويناش :ئۇسسۇل ئويناش ئادەمنى تېخىمۇ ئەقىللىق قىلىپلا قالماستىن يەنە بىلىش توسالغۇغا ئۇچراش كېسەللىكلىرىنىڭ ئالدىنى ئالىدۇ.تەتقىقات نەتىجىسىدىن ئايانكى ،ئۇسسۇل ئويناش كىشىلەرنىڭ بىلىش توسالغۇغا ئۇچراش كېسەللىكىگە گىرىپتار بۇلۇش ئېھتىماللىقىنى %76 تۆۋەنلىتەلەيدىكەن.چۈنكى ئۇسسۇل چوڭ مېڭىدىكى ھەر قايسى رايۇنلار ئارا نېرۋا ئىقتىدارىنى بىراقلا ھەرىكەتكە كەلتۈرۈپ قول ۋە پۇتنىڭ ماسلىشىپ ھەرىكەت قىلىش كۈچىنى زورايتىدىكەن.

كىتاب ئوقۇش :كىتاب ئوقۇش كىشىلەرنىڭ بىلىش توسالغۇغا ئۇچراش كېسەللىكىگە گىرىپتار بۇلۇش ئېھتىماللىقىنى %35 تۆۋەنلىتىدۇ.سىتانفورد ئۈنۋېرستىتىدىكى مۇتەخەسىسلەرنىڭ قارىشىچە ،كىتاب ئوقۇش كۆپ خىل مۇرەككەپ بىلىش ئىقتىدارىنى ئۆز ئارا ماسلاشتۇرۇشنى تەلەپ قىلىدىكەن.بۇنىڭ بىلەن چوڭ مېڭىدىكى ئالاھىدە بەلگىلەنگەن رايۇنلارنىڭ قان ئايلىنىشىنى كۈچەيتىدىكەن.كانادالىق مۇتەخەسسىلەر مۇنداق دەيدۇ:《كىتاب ئوقۇش ئادەمنىڭ تىل ئىقتىدارىنى يۈكسەلدۈرىدۇ،بىلىم قۇرۇلمىسىنى ياخشىلايدۇ،تەپەككۇر كۈچىنى زورايتىدۇ》

ئەقلىي ئۇيۇن :ئەقلىي ئۇيۇن بولسا ئادەمنىڭ سىفىردىن پايدىلىنىش ئىقتىدارى ،ماسلاشتۇرۇپ تەپەككۇر قىلىش كۈچى ،ھۆكۈم قىلىش ۋە ئجتىمائىي ئالاقە ماھارىتىنى كۈچەيتىدۇ.ئادەمنىڭ تۈرلۈك ئەقلىي ئۇيۇن ئويناش ئىقتىدارىنىڭ ياخشىلىنىشى ماھىيەتتە ئۇلارنىڭ بىلىش ئىقتىدارى توسالغۇغا ئۇچراش كېسەللىكىگە تاقابىل تۇرۇش كۈچىنىڭ زورايغانلىقىغا باراۋەر بۇلۇپ ،خەت تېپىش ئۇيۇنى ئادەمنىڭ بۇخىل كېسەلگە گىرىپتار بۇلۇش ئېھتىماللىقىنى %47 تۆۋەنلىتىۋېتىدۇ.

سۇ ئۈزۈش :بەدەن سۇغا چىلانغاندا يۈرەكنى ،چوڭ مېڭىنى قان بىلەن تەمىنلەش ئىقتىدارى ئەڭ يۇقۇرى چەككە يىتىدىغان ئورۇنغا تەڭشەيدۇ.ئاۋىستىريىلىك مۇتەخەسىسلەر مۇنداق دەيدۇ:《ئادەم سۇغا چۈمۈلگەن چاغدا ئۇنىڭ چوڭ مېڭىسىدىكى ئارتىيىدە قاننىڭ ئېقىش مىقتارى %14 كۆپىيىدۇ،باشقا تۇمۇرلاردىكى قان مىقتارىمۇ مۇناسىپ ھالدا كۆپىيىپ بارىدۇ. 》

ساز چېلىش :مۇتەخەسسىلەر مۇنداق دېيىشتى:《ياشلىق مەزگىلىدە ساز چېلىشنى ئۆگەنگەن كىشىلەرنىڭ ياشانغان چاغدىكى تۇرمۇشى ئىنتايىن مەزمۇنلۇق ۋە خوشال ئۆتىدۇ،چۈنكى ساز چېلىش مۇسكۇللارنىڭ ئەستە ساقلاش ،قول بارماقلىرىنىڭ ماسلىشىپ ھەرىكەت قىلىش ئىقتىدارىنى ياخشىلايدۇ ،بۇنىڭ بىلەن چوڭ مېڭىنىڭ تەپەككۇرچانلىقىنى ئاشۇرۇپ چوڭ مېڭىدە قۇرۇلما مەنبەلىك ئۆزگىرىش پەيدا بۇلىدۇ》

ئەر -خۇتۇنلۇق مۇناسىۋەت :ئامرىكىلىق مۇتەخەسىسلەر مۇنداق دىيىشتى :《ئەر خۇتۇنلۇق مۇناسىۋەت چوڭ مېڭىدىكى ھەر قايسى رايۇنلار ئارا قان ئايلىنىش مىقتارىنى كۈچەيتىدۇ ،شۇنداقلا ھەرخىل ئۇزۇقلۇق ماددىلارنىڭ چوڭ مېڭىگە تۇلۇق يەتكۈزۈلىشىگە تۈرتكە بۇلىدۇ بۇنىڭ بىلەن چوڭ مېڭە نېرۋىلىرى ئارىسىدىكى ئۆز-ئارا ئاكتىپ يۈرۈشۈش كۈچۈيىدۇ.》

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK