يەر شارى خەۋەر تورى 6-ماي خەۋىرى؛ لەگلەك تورى تەرجىمىسى: ئىراقتىن جەيھان پورتىغا يەتكۈزۈلىدىغان نېفىت ئىكىسپورتى ئاپرېل ئېيىدا 16 مىليون 890 مىڭ تۇڭغا يەتتى. ئىراق كۈرت ئاپتۇنۇم رايۇنى ھۆكۈمىتىنىڭ كونتروللىقى ئاستىدىكى نېفىت يەتكۈزۈش تۇربىسىدىن تۈركىيەنىڭ جەيھان پورتىغا يەتكۈزۈلگەن نېفىت ئىكىسپورت مىقدارى ئاپرېل ئېيىدا 16 مىليون 890 مىڭ تۇڭغا يەتكەنلىكى بىلدۈرۈلدى. ئىراق كۈرت ئاپتۇنۇم رايۇنى تەبىي بايلىقلار مىنسىتىرلىكىنىڭ رەسمى تور بېتىدە ئېلان قىلىنغان باياناتتا، تۈركىيەگە ئاپرېل ئېيى ئىچىدە كۈندىلىك 563 مىڭ تۇڭ نېفىت ئىكىسپورت قىلىنغانلىقى ئېيتىلغان. باياناتتا، جەيھان پورتىغا ئاپرېل ئېيىدا جەمئىي 16 مىليون 890 مىڭ تۇڭ نېفىت ئىكىسپورت قىلىنغان دېيىلگەن، بۇ نېفىتنىڭ كۈندىلىك 416 مىڭ تۇڭى كۈردىستان رايۇنىدىن، 147 مىڭ تۇڭى كەركۈك رايۇنىدىن كەلگەن. يۇقارقى ئىكىسپورت ئىراق مىللى نېفىت شىركىتى «SOMO» نىڭ كونتروللىقىدا ئېلىپ بېرىلغان.