چېڭ باۋ تورى خەۋىرى لەگلەك تورى تەرجىمىسى.روسىيە زۇڭتۇڭى پۇتىن شۇ يەر ۋاقتى 19-دېكابىر موسكۋادا رۇسىيىنىڭ ھەربىي تەلىماتىدا ئۆزگىرىش بولمىغانلىقى يەنىلا مۇداپىئە خاراكتېرىنى ساقلاپ قالىدىغانلىقى ،لېكىن رۇسىيىنىڭ دۆلەت بىخەتەرلىكىنى داۋاملىق قەتئىي قوغدايدىغانلىقىنى بىلدۈردى .

پۇتىن شۇ كۈنى ئاچقان دۆلەت مۇداپىئە مىنىستىرلىرى كېڭەيتىلگەن يىغىنىدا رۇسىيىنىڭ تەھدىتكە دۇچ كەلگەنلىكى ،ئەتراپتىكى ۋەزىيەتنىڭ كۈنسايىن مۇرەككەپلەشكەنلىكى ،ئامېرىكىنىڭ باشقۇرۇلدىغان بومبا سېستىمىسى قۇرۇۋاتقانلىقى ،شىمالىي ئاتلانتىك ئەھدى تەشكىلاتىنىڭ ياۋروپادىكى بولۇپمۇ شەرقىي ياۋروپادىكى ھەرىكىتىڭ كۆپىيىۋاتقانلىقىنى ئېيتتى .ئۇ روسىيە ئۆز دۆلىتىنىڭ مەنپەئىتى ۋە ئىگىلىك ھوقۇقىنى چىڭ تۇرۇپ قوغداپ ،دۇنيا مۇقىملىقىنى مۇستەھكەملەشكە كۈچ چىقىرىدۇ ،روسىيە بارلىق دۆلەتلەر ۋە مىللەتلەرنىڭ ئوخشاش بىخەتەرلىك مۇھىتىغا ئېرىشىشى كېرەكلىكىدە چىڭ تۇرىدۇ دېدى .

پۇتىن مۇنداق دېدى :‹روسىيە ھەمىشە ئۆز دۆلىتىنىڭ مەنپەئىتىنى قوغدايمەن دەپ نامۇۋاپىق ئىنكاسلارغا ئۇچرايدۇ ،لېكىن روسىيە ئارمىيىسى بۇنىڭغا تىنىچ مۇئامىلە قىلپ خىزمەت رېتىمىنى ساقلىشى روسىيە خەلقىنىڭ قوراللىق كۈچ ۋە دۆلەت مۇداپىئە مىنىستىرلىقى رەھبەرلىك قاتلىمى ،قىسىم گېنراللىرى ۋە ھەربىيلەرنىڭ ئۈمىدىنى يەردە قويماسلىق ئۈچۈن ،مانېۋېر ياكى زەربىدارلىق بىلەن تەكشۈرۈشتە بايقالغان يېتەرسىزلىكنى تولۇقلاپ ،دۆلەت مۇداپىئەسى ۋە بىخەتەرلىك ساھەسىدىكى بارلىق مەسىلىلەرنى ھەل قىلىشى كېرەك .

شۇنى كۆرسەتمەكچىمەنكى ئارمىيە سىياسىتىمىزدە ئۆزگىرىش بولمىدى .خۇددى كۆپچىلىكنىڭ بىلگىنىدەك ،بىزنىڭ ئارمىيە سىياسىتىمىز پەقەت مۇداپىئەلىنىش ئۈچۈنلا ئىشلىتىلگەن ،لېكىن بىز ئۆز بىخەتەرلىكىمىزنى قوغداشتا قىلچە بىپەرۋالىق قىلماستىن قەتئىي كەسكىن قوغدايمىز›.

پۇتىن نۆۋەتتە روسىيە دۆلەت زېمىنى بىخەتەرلىكىگە ھەر قايسى جايلار تارماقلار ئايرىم ئايرىم ھالدا مەسئۇل بولىغانلىقى ئۇ رۇسىيىنىڭ ھەر قايسى فېدراتسىيلىىرى ئاساسىي گەۋدىنىڭ ئەمەلدارلىرىنى زىمىن بىخەتەرلىكىنى قوغداشتا تېخىمۇ زور مەسئۇلىيەتنى ئۈستىگە ئېلىشىغا دەۋەت قىلغانلىقىنى تەكىتلىدى .

يىغىندا پۇتىن دۆلەت مۇداپىئە مىنىستىرلىقىغا 2015-يىلىنىڭ ئاخىرلىرىغىچە رۇسىيىنىڭ 2016-يىلىدىن 2020-يىلىغىچە بولغان دۆلەت مۇداپىئە پىلانىنى تۈزۈپ چىقىش ۋەزىپىسىنى تاپشۇردى .ئۇ بارلىق دۆلەت مۇداپىئە مال زاكاس قىلىش ۋەزىپىسى ۋە ئارمىيە قۇرۇلۇشىنىڭ باشقا پىلانلىرىنى ئورۇنداپ بولۇشقا كاپالەتلىك قىلىشى كېرەكلىكىنى تەكىتلىدى .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK