ئاسىيا كىندىكى تورى خەۋىرى: سودا تۈزۈلمە ئىسلاھاتى ئاممىنىڭ ئىگىلىك تىكلەش قىزغىنلىقىنى قوزغاتتى . مۇخبىرنىڭ تۈنۈگۈن (27-يانۋار) ئۈرۈمچى شەھەرلىك سودا-سانائەتنى مەمۇرىي باشقۇرۇش خىزمىتى يىغىنىدىن ئىگىلىشىچە، 2014-يىلى مارتتىن دېكابىرغىچە بولغان 10 ئاي ئىچىدە شەھىرىمىز بويىچە يېڭىدىن 8834 كارخانا كۆپىيىپ، تىزىمغا ئالدۇرغان كاپىتال 50 مىليارد يۈەندىن ئېشىپ، ئوخشاش مەزگىلدىكىدىن ئايرىم-ئايرىم ھالدا %46.8 ۋە %66 ئاشقان.

2014-يىلى ئۈرۈمچى شەھەرلىك سودا-سانائەتنى مەمۇرىي باشقۇرۇش ئىدارىسى يېڭىدىن 12 تۈرلۈك تەدبىرنى بېكىتىپ، كارخانىلارنى رويخەتكە ئالدۇرۇشنى قولايلاشتۇرۇپ، يەككە خۇسۇسىي تىجارەتچىلەرنىڭ ئىقتىسادىنى نەپكە ئېرىشتۈردى.

ئۈرۈمچى شەھەرلىك سودا-سانائەتنى مەمۇرىي باشقۇرۇش ئىدارىسىنىڭ ئىستاتىستىكا قىلىشىچە، ئۈرۈمچى شەھىرىدە بازار سۇبېكتى جەمئىي 179 مىڭ ئائىلىگە يېتىپ، پۈتۈن شىنجاڭدىكى ئومۇمىي ساننىڭ 5/1ىنى ئىگىلىگەن.