چەتئەل تاراتقۇلىرىنىڭ خەۋەر قىلىشىچە، ئالى بابا ھىندىستاننىڭ ئەڭ چوڭ ئېلىكترونلۇق سودا سۇپىسى Flipkart قا مەبلەغ سالماقچى بولغان، ئەمما سودىنى ئىلگىرى سۈرۈش ئۈچۈن Flipkart نىڭ مۆلچەر باھانى 15 مىلىيارد دوللارغا تۆۋەنلىتىشىنى ئىلتىماس قىلغان.

ماتىرىيالدىن قارىغاندا، قۇرۇلغان دەسلەپكى مەزگىلدە، Flipkart ئامازون بىلەن ئوخشاش پەقەتلا كىتاب ئوقۇيدىغان تور بەت ئىدى، ھەم Flipkart نىڭ ئىككى نەپەر قۇرغۇچىسى ساچىن بانسال ۋە بىننى بانسال ئىگىلىك تىكلەشتىن ئىلگىرى ئىككىلىسى ئامازوندا خىزمەت قىلغان.

ھىندىستاننىڭ ئېلىكترونلۇق سودا شىركىتى 2014-يىلىدىن باشلاپ تېز سۈرئەتتە تەرەققىي قىلىشقا باشلىغان. 2014-يىلى 5-ئايدا، Flipkart سۇپىسى DST ، Tiger Management ۋە باشقا مەبلەغ سېلشى شرىكىتىدىن 210 مىلىيون دوللار مەبلەغكە جۇغلىغان.

          2014-يىلى 8-ئايدا، Flipkart سۇپىسى 1 مىلىيارد دوللار مەبلەغ جۇغلىغانلىقىنى ئېلان قىلغان، سىنگاپورنىڭ بايلىق فوندى GIC شىركىتى Flipkart نىڭ ئەسلىدىكى مەبلەغ سالغۇچىسى يولۋس يەرشارى باشقۇرۇش شىركىتى، جەنۇبى ئافرىقا Naspers شىركىتى ۋە مورگان سىتەنلى بىلەن ئورتاق مەبلەغ سېلىشقا قاتناشقان.

2014-يىلى 12-ئايدا، Flipkart قايتا 700 مىلىيون دوللار مەبلەغ جۇغلىغان، Baillie Gifford، Greenoaks Capital، Steadview Capital، T.Rowe PriceAssociates ۋە قاتار مەبلەغ سېلىش ئىدارىسى يېڭى مەبلەغ سالغۇچىغا ئايلانغان.

ئۇدا ئۈچ ئايلانما مەبلەغ جۇغلاشتىن كېيىن، Flipkart سۇپىسى 2014-يىلى ئومۇمى جۇغلىغان مەبلىغى 2 مىلىيارد دوللارغا يېقىنلاشتى. ناۋادا بۇ قېتىم ئالى بابانىڭ مەبلىغىگە ئېرىشسە، Flipkart نىڭ مەبلىغى يەنە بىر قېتىم يۇقىرى چەككە يېتىدۇ.

نۆۋەتتە ھىندىستاندا Flipkart، ئامازوننىڭ ھىندىستاندىكى تارماق شىركىتى ۋە Snapdeal ئېلىكتىرونلۇق سودا بازىرىدىكى ئۈچ چوڭ ماگىنات. ئوخشاشلا 2014-يىلى Snapdeal ياپونىيە SOFTBANK گوروھىنىڭ 627 مىلىيون دوللار مەبلىغىگە ئېرىشكەن؛ 2014-يىلى 8-ئايدا، Snapdeal.com بەش يۈز مىلىيون دوللار مەبلەغ جۇغلىدى، مەبلەغ سالغۇچىلار ئالى بابا، فۇشىكاڭ ۋە SOFTBANK نى ئۆز ئىچىگە ئالىدۇ. بۇ قېتىملىق مەبلەغ جۇغلاش ئارقىلىق، Snapdeal.com نىڭ مۆلچەر قىممىتى 5 مىلىيارد دوللارغا يەتكەن.