شىنخۇا تورىنىڭ 22-مارتتىكى خەۋىرى، باغداش تورىدىن ئىرپان تەرجىمىسى:

ئالجىرىيە دۆلەت مۇداپىئە مىنىستىرلىكى 21-مارت بايانات ئېلان قىلىپ دېيىشىچە، ئالجىرىيە بىخەتەرلىك قىسىمى 21-مارت ئالجىرىيەنىڭ جەنۇبىدىكى ۋاد ئۆلكىسىدە تېررورلۇققا قارشى تۇرۇش ھەرىكىتىدە 6 تېررورچىنى ئېتىۋەتكەن.

باياناتقا ئاساسلانغاندا، ئالجىرىيە بىخەتەرلىك قىسىملىرى يەنە بىر تۈركۈم قورال-ياراق ۋە ئوق-دورىلارنى، ئالاقە قوراللىرىنى قولغا چۈشۈرگەن. باياناتتا ۋاد ئۆلكىسىدىكى تېررورلۇققا قارشى تۇرۇش ھەرىكىتى بىلەن 3-ئاينىڭ 18-كۈنى جەنۇبتىكى تەبىئىي گازلىقنىڭ تېررروچى تەشكىلاتىنىڭ ھۇجۇمىغا ئۇچرىشى بىلەن مۇناسىۋىتى بار يوقلىقى دېيىلمىگەن.

يېقىندا، ئالجىرىيەنىڭ شەرقىي ۋە جەنۇبىي رايونى نىسبەتەن چوڭ تېررورلۇق تەھدىتىگە دۇچ كەلدى.

3-ئاينىڭ 11-كۈنى، ئالجىرىيە ئارمىيەسى ۋاد ئۆلكىسىدە 3 تېررورچىنى ئېتىۋەتكەندە قولغا چۈشۈرگەن قوراللاردا ئامېرىكىدا ياسالغان يەردىن ھاۋاغا ئاتىدىغان باشقۇرۇلىدىغان بومبا بايقىغان، بۇ ئالجىرىيەنىڭ 10 يىلغا يېقىن تېررورلۇققا قارشى تۇرۇش كۈرۈشىدە بىرىنچى قېتىم بۇ خىلدىكى قورالنى بايقىشى. 3-ئاينىڭ 18-كۈنى ئالجىرىيەنىڭ جەنۇبىدىكى تەبىئىي گازلىق ھۇجۇمغا ئۇچرىدى، «ئىسلام مەغرىپ ئەل-قائىد تەشكىلاتى» بۇ قېتىمقى ھۇجۇمغا مەسئۇل بولىدىغانلىقىنى جاكارلىدى.