ئىلگىرىكى ئۇچۇرلاردا، 2-ئەۋلاد Apple Watch نىڭ بۇ يىل 3-ئايدا كۆپچىلىك بىلەن يۈز كۆرۈشىدىغانلىقى تىلغا ئېلىنغان، ئۇنداقتا بۇ راستمۇ؟

چەتئەل تاراتقۇسى TechCrunch نىڭ ئەڭ يېڭى خەۋىرىگە قارىغاندا، ئالما شىركىتىنىڭ ئىچكى قىسمىدىكى ئۇچۇر بەرگۈچىلەرنىڭ ئاشكارىلىشىچە، بۇ يىل 3-ئايدا ئېچىلىدىغان يېڭى مەھسۇلات ئېلان قىلىش يىغىنىدا ئوتتۇرىغا چىقىدىغىنى يېڭى بىر ئەۋلاد Apple Watch بولماستىن، بەلكى يېڭى يانفون ۋە كومپيۇتېر مەھسۇلاتى بولىدىكەن.

   دوكلاتتا دېيىلىشىچە، 3-ئايدا ئالما شىركىتى يېڭى نۇسخىدىكى ئايفوننى ئېلان قىلىدىكەن، بۇ ئايفونغا تۆت دىيۇملۇق ئېكران سەپلىنىدىغان بولۇپ، iPhone 5S نىڭ دەرىجىسى ئاشۇرۇلغان نۇسخىسى دەپ قاراشقا بولىدىكەن، 3-ئايدا يەنە يېڭى بىر ئەۋلاد MacBook مۇ كۆپچىلىك بىلەن يۈز كۆرۈشىدىكەن.

Apple Watch غا كەلسەك، ئۇ 2014-يىلى 10-ئايدا رەسمىي ئېلان قىلىنغان بولسىمۇ، ئەمما 2015-يىلى 4-ئايغا كەلگەندە ئاندىن كەڭ دائىرىدە سېتىلىشقا باشلىغان، ھالبۇكى، ئۇنىڭ 2-ئەۋلاد نۇسخىسى بولسا iPhone 7 دىن كېيىن ئېلان قىلىنىدىكەن، بۇنداق بولغاندا، 1-ۋە 2-ئەۋلاد مەھسۇلاتنىڭ ئېلان قىلىنىش ئارىلىقى 18 ئاي بولىدىكەن.

تۆت دىيۇملۇق ئايفون (خەۋەرلەردە بۇ يانفونغا iPhone 5e دەپ ئىسىم قويۇلىدىغانلىقى تىلغا ئېلىنغان، ئەمەلىيەتتە بۇ كىشىلەرنىڭ ئېغىزىدىكى iPhone 6c شۇ) غا كەلسەك، ئىلگىرىكى ئۇچۇرلاردا بۇ يانفوننىڭ 4-ئايدا دۆلەت ئىچىدە بازارغا سېلىنىدىغانلىقى، A8 تىپلىق بىر تەرەپ قىلغۇچ، 1GB لىق ئىچكى ساقلىغۇچ، سەككىز مىليون پىكسېللىق كامېرا سەپلىنىدىغانلىقى، Touch ID ۋە Apple Pa قاتارلىق ئىقتىدارلارنى قوللايدىغانلىقى، سېتىلىش باھاسىنىڭ 3288 يۈەن ئەتراپىدا بولىدىغانلىقى كۆرسىتىلگەن.