ئەنگلىيە «كۈندىلىك پوچتا گېزىتى» نىڭ 17-چېسلادىكى خەۋىرىگە قارىغاندا، فوتوگراف لاۋرا لىۋاندىكى مۇساپىرلار لاگىرىدا بىر تۈركۈم سۈرەتلەرنى تارتقان بولۇپ، بۇ سۈرەتلەردە سۈرىيەلىك ئاللىقاچان ياتلىق بولغان كىچىك قىزلارنىڭ تۇرمۇشى خاتىرلەنگەن. بۇلارنىڭ ئائىلىسى نامرات بوغانلىقتىن، ئاتا-ئانىسىنىڭ بېقىشقا قۇربىتى يەتمىگەنلىكتىن، ئۇلار كىچىك تۇرۇپلا ئايال بولۇشقا مەجبۇر بولغان، بۇلارنىڭ ئەڭ كىچىكىنىڭ يېشى ئاران توققۇز ياشتا ئىكەن.

سۈرىيەدە، نۇرغۇن ئائىلىلەر نامراتلىق ۋە ئۇرۇشتىن قۇتۇلۇش ئۈچۈن، كىچىك قىزلىرىنى بۇ غەيرىي نىكاھتىن ئىبارەت قەبرىگە <دەپنە> قىلىشقا مەجبۇر بولغان. لاۋرا لىۋاننىڭ كاگۇ رايونىدىكى بىر مۇساپىرلار لاگىرىدا مۇشۇنداق كۆپلىگەن مەجبۇرىي ياتلىق بولغان قىزلارنى ئۇچراتقان بولۇپ، ئۇلارنىڭ كۆپىنچىسىنىڭ يېشى ئاران 11 ياش ياكى 13 ياشتا ئىكەن. ئەمما ئۇلارنىڭ ياتلىق بولغىنى ئۆزىنىڭ خېلىلا چوڭ بولغان ئەرلەر بولۇپ، كىچىك تۇرۇپلا ئانا بولۇشقا باشلىغان.

لاۋرانىڭ ئېتىشىچە، بۇ خىل غەيرىي نىكاھ ئۇلارنىڭ يېڭى ئەسىردىكى بىر ئەۋلاد نابۇت بولغان گۈل-غۇنچىغا ئوخشىتىپ قويغان. گەرچە ئۇلار سۈرىيەدىن ئايرىلغان بولسىمۇ، <ئىسلام دۆلىتى> تەشكىلاتىنىڭ قارا قولىدىن قېچىپ قۇتۇلغان بولسىمۇ، ئەمما بىرلەشكە دۆلەتلەر تەشكىلاتى بالىلار فوندى جەمئىيىتىنىڭ ئېيىشىچە، بۇ خىل نىكاھ ئۇلارنى سەبىي، بالىلىق ۋاقىتلىرىدىن مەھرۇم قىلغان، ئۇلار ئاسانلا يالغۇز قېلىشتەك، ئائىلە زوراۋانلىقىغا ئۇچراشتەك مەسىلىلەرگە دۇچ كەلگەن. ئۇلارنىڭ تەقدىرى ھەقىقەتەن ئېچىنىشلىق بولۇپ، نامراتلىق بىلەن ئۇرۇش بۇ خىل ئەھۋالنى ئېغىرلاشتۇرۇۋەتكەن ئاساسلىق بىر سەۋەب ئىكەن.