ئالما شىركىتىنىڭ جاكارلىشىچە، بۇ شىركەت يېڭىدىن يولغا قويغان كۆچمە ھەق تۆلەش مۇلازىمىتى Apple Pay ھازىرغىچە ئىككى مىليوندىن كۆپرەك پارچە سېتىش دۇكىنى بىلەن ھەمكارلىق مۇناسىۋىتى ئورناتقان، Crate & Barrel、Chick-fil-A ۋە Au Bon Pain قاتارلىق كارخانىلارمۇ ئۆزىنىڭ ئەمەلىي دۇكانلىرىدا Apple Pay نى قوللاشنى يولغا قويغان.

       «خىرىدارلىرىمىز خىلى بۇرۇنلا Apple Pay نى ئىشلىتىشنى ئارزۇ قىلاتتى.» دەيدۇ Zappos كۆچمە سۇپا كەسپىنىڭ مەسئۇلى Aki Iida سۆزىدە، «بۇنداق بولغاندا خىرىدارلارنىڭ ھەق تۆلىشىگە قولايلىق ياراتقىلى بولىدىكەن، شۇڭا، سىناپ باققاننىڭ ھىچقانداق زىيىنى يوق.»

       ئالما شىركىتىنىڭ سېتىش سوممىسىنىڭ ئۈچتىن ئىككى قىسىمىنى ئىگەللەيدىغان ئايفوننىڭ قانچىلىك مۇھىم ئىكەنلىكىنى سۆزلەپ ئولتۇرۇش ھاجەتسىز، ئەمما ئالما شىركىتى ھازىر پۈتۈن كۈچى بىلەن كۆچمە ھەق تۆلەش قاتارلىق كۆپ خىل مۇلازىمەت تۈرلىرىنى تەرەققىي قىلدۇرۇۋاتىدۇ.

كۆپ ساندىكى ئىستېمالچىلار ئەقلىي ئىقتىدارلىق يانفون ئارقىلىق مال سېتىۋېلىشنى ئانچە خالاپ كەتمەيدۇ، ئۇنىڭ ئۈستىگە، كۆپ قىسىم دۇكانلارمۇ Apple Pay ئارقىلىق ھەق تۆلەشنى تېخى يولغا قويمىغان، بىراق، ئالما شىركىتى بۇنىڭغا كەلگەندە ئۆزىنىڭ جەلىپ قىلىش كۈچىنى ئىشقا سالماقچى بولۇۋاتقاندەك قىلىدۇ، نېمىلا دېمىگەن بىلەن، شۇنچە كۆپ ئايفون ئىشلەتكۈچىلەر ئىچىدە بۇ ئىقتىدارنى سىناپ بېقىشنى ئويلايدىغانلار چوقۇم چىقىدۇ، ئالما بەلكىم ئىستېمالچىلارنىڭ چىقىم قىلىش ئادىتىنى ئۆزگەرتىپ قېلىشىمۇ مۇمكىن.