2016-يىلى 3-ئاينىڭ 16-كۈنى، جېجياڭ ئۆلكىسى نىڭبو شەھىرى، جېنخەي رايونى لوتو بازىرىدىكى يول ئۈستىدە يالغۇز بىر ئۆي بار بولۇپ، يېڭى ياسالغان تاشيولنى ئوتتۇرىدىن ئىككىگە بۆلۈۋەتكەن. ئاپتوموبىللار بۇ يولدىن ماڭغاندا ئامالسىزلىقتىن ئۆينى ئايلىنىپ ماڭىدۇ.

بۇ ئۆينىڭ ئىگىسى چېقىپ كۆچۈرۈش جەھەتتە بىرلىككە كېلەلمىگەنلىكتىن، بۇ تاشيولنى مۇشۇنداق ياساشقا توغرا كەلگەن.

بۇنداق ئۆيلەر يېقىنقى كۈنلەردە ھەر خىل گېزىتلەردە كۆپ ئۇچرايدىغان بولۇپ قالدى. يېقىندا نىڭبودىكى مۇنبەرلەردە جېنخەي رايونى لوتو كوچىسىدا يول ئۈستىدە يالغۇز بىر ئۆينىڭ بارلىقى غۇلغۇلا قوزغىدى. بۇ يالغۇز ئۆي يېڭى ياسالغان ئۆينى ئىككىگە بۆلۈۋەتكەنلىكتىن، قاتناش ۋاستىلىرى بۇ ئۆينى ئايلىپ يولىنى داۋاملاشتۇرۇشقا مەجبۇر بولغان.

شەھەر قۇرۇلۇشىغا مەسئۇل كوچا ئىش بېجىرىش ئورنىنىڭ مۇئاۋىن مۇدىرى گۇ جيەنمىڭ مۇخبىرلارنى كۈتۈۋالدى. تورداشلارنىڭ بۇ يالغۇز ئۆي توغرىسىدىكى سوئاللىرىغا قارىتا ئۇمۇ ئۆزىنىڭ ئامالسىز ئىكەنلىكىنى بىلدۈردى. ئۇنىڭ ئېيتىشىچە، بۇ ئۆيدىكىلەرنىڭ ھازىرغىچە كۆچمەسلىكىدىكى سەۋەب تورداشلار پەرەز قىلغاندەك چېقىپ كۆچۈرۈش شارائىتى توغرىسىدا ھۆكۈمەت تەرەپ بىلەن بىرلىككە كېلەلمىگەن بولماستىن، بەلكى چېقىپ كۆچۈرۈشتە ئۆينى قانداق تەقسىم قىلىش مەسلىسىدە ئائىلە ئەزالىرى ئوتتۇرىسىدا بىرلىككە كېلەلمەسلىك مەۋجۇت ئىكەن.