بىرلەشكەن دۆلەتلەر تەشكىلاتى خەۋپسىزلىك كېڭىشى 3-سېنتەبىر تاراتقۇلارغا بايانات ئېلان قىلىپ، گولان ئېگىزلىكىدە تۇتقۇن قىلىنغان فىجىلىك تىنچلىقنى ساقلىغۇچى 45 خادىمنى شەرتسىز قويۇپ بېرىشنى يەنە بىر قېتىم تەلەپ قىلدى.

باياناتدا مۇنداق دېيىلدى: ھەر قانداق سەۋەبلەر بىلەن بىرلەشكەن دۆلەتلەر تەشكىلاتىنىڭ تىنچلىقنى ساقلىغۇچى خادىملىرىگە ھۇجۇم قىلىش ۋە ئۇلارنى تۇتقۇن قىلىش جىنايى مەسئۇلىيىتىدىن قېچىپ قۇتۇلالمايدۇ. خەۋپسىزلىك كېڭىشى شۇنىڭ بىلەن بىر ۋاقىتتا بىرلەشكەن دۆلەتلەر تەشكىلاتىدىن بىرلەشكەن دۆلەتلەر تەشكىلاتىدىن ئايرىلىپ ئۇچرىشىدىغان كۆزەتكۈچىلەر قىسىمىدىن سىرت ھەر قانداق تەشكىلاتنىڭ قىسىملىرى گولان ئېگىزلىكىدىكى بارلىق قاراۋۇلخانىلاردىن ۋە كۈنتەي چېگرا ئېغىزىدىن ئايرىلىشىنى ھەمدە تىنچلىقنى ساقلىغۇچى خادىملارنىڭ ئاپتوموبىلى، قۇرال ياراق ۋە ئۈسكىنىلىرىنى قايتۇرۇپ بېرىشىنى تەلەپ قىلدى.

خەۋپسىزلىك كېڭىشى ھەر قايسى تەرەپلەرنىڭ بىرلەشكەن دۆلەتلەر تەشكىلاتى بىلەن ئايرىلىپ ئۇچرىشىدىغان كۆزەتكۈچىلەر قىسىمى بىلەن ھەمكارلىشىپ، تىنچلىقنى ساقلىغۇچى قىسىملارنىڭ بىخەتەرلىكى ۋە ھەرىكەت ئەركىنلىكىگە كاپالەتلىك قىلىشنى تەلەپ قىلدى، ھەمدە ئالاقىدار ئەزا دۆلەتلەرنىڭ تۇتقۇن قىلىنغان تىنچلىقنى ساقلىغۇچى خادىملارنى دەرھال قويۇپ بېرىش ئۈچۈن تەسىر كۈچىنى كۆرسىتىشىنى مۇراجەت قىلدى. 

X