شۇ يەر ۋاقتى 12-ئاينىڭ 17-كۈنى، چېلسى كۇلۇبى ئورگان تورى تېۋىتېرىدا، مەشقاۋۇل مورىنىھونىڭ ئىشتىن چۈشكەنلىكىنى ئېلان قىلدى. بۇ پەسىللىك ئېنگلاند دەرىجىدىن تاشقىرى بىرلەشمىسىنىڭ 16 ئايلانمىسىدا چېلسى ئاران 15 نومۇرغا ئېرىشىپ رەت تەرتىپتە 16-ئورۇنغا چۈشۈپ قالغان، چېلسى ھازىر دەرىجە چۈشۈش رايونىدىن ئاران بىر نومۇرلا يۇقىرى. ئالدىنقى ئايلانمىدىكى ئېنگلاند دەرىجىدىن تاشقىرى بىرلەشمىسىدە چېلسى 1-2 نەتىجە بىلەن لېچىستىر شەھرى كوماندىسىغا ئۇتتۇرۇپ قويغان، بۇ مەيدان مۇسابىقە چېلسىنىڭ بۇ پەسىللىك بىرلەشمىدىكى 9-مەيدان مەغلۇبىيىتى ھېسابلىنىدۇ.

    بۇنىڭدىن ئىلگىرى مورىنىھوغا پۇرسەت بېرىپ كېلىۋاتقان چېلسى خوجايىنى ئابراموۋىچمۇ بەرداشلىق بېرەلمەي مورىنىھونى ئىشتىن بوشىتىشنى قارار قىلغان، چېلسى كۇلۇبى  ئورگان تورى تېۋىتېرىدا، مەشقاۋۇل مورىنىھونىڭ ئىشتىن چۈشكەنلىكىنىمۇ ئېلان قىلغان. مورىنىھو چېلسىغا ئىككى قېتىم مەشقاۋۇللۇق قىلغان، بۇ جەرياندا ئۈچ قېتىم ئېنگلاند دەرىجىدىن تاشقىرى بىرلەشمىسىنىڭ چېمپىيونلىقى، بىر قېتىم بىرلەشمە لوڭقا چېمپىيونلىقى، ئۈچ قېتىم ئۇيۇشما لوڭقا چېمپىيونلىقى ۋە بىر قېتىم رايون قالقان لوڭقىسى چېمپىيونلىقىغا ئېرىشكەن.