چاغاندىن ئاۋۋالقى تۆت كۈندە شىنجاڭ ئىچىدىكى قىسقا ئارلىققا قاتنايدىغان يولۇچىلارنى توشۇش باشلاندى. 4-فېۋرال تۆمۈر يولدىكى يولۇچىلار ئېقىمى يەنە بىر قېتىم يۇقىرى دولقۇنغا كۆتۈرۈلدى. شۇ كۈنى ئۈرۈمچى جەنۇبىي ۋوگزالىدا 45 مىڭ 250 يولۇچى (ئادەم/قېتىم) ئۇزۇتىلىپ، چاغانلىق يولۇچى توشۇشنىڭ ئالدىنقى مەزگىلىدىكى 43 مىڭدىن 2000 ئادەم كۆپەيگەن.

           جۇڭگو تۆمۈر يول باش شىركىتى مۇلازىمەت مەركىزىنىڭ بېلەت سېتىۋېلىش ئىستاتىستىكا سانلىق مەلۇمات تەھلىلىگە ئاساسلانغاندا، بۈگۈن، تۆمۈر يول تارماقلىرى چاغانلىق يولۇچى توشۇشنىڭ ئەڭ يۇقىرى دولقۇنىنى كۈتۈۋالىدىكەن. ئۈرۈمچى جەنۇبىي ۋوگزالىنىڭ مۆلچەرلىشىچە، 5-فېۋرال مەزكۇر بېكەتتىكى يولۇچىلارنىڭ توشۇلۇش مىقدارى 48 مىڭ 340 (ئادەم/ قېتىم)غا يېتىدىكەن.