يىقىندا، ھىندىستان JBM گوروھى 2016-يىللىق ھىندىستان ئاپتوموبىل كۆرگەزمىسىدە پۈتۈنلەي يېڭى نۇسخىدىكى توكلۇق ئاپتوبۇسى EcoLife نى ئېلان قىلغان. بۇ توكلۇق ئاممىۋى ئاپتوبۇسنى JBM بىلەن پولشا ئاپتوبۇس شىركىتى Solaris ھەمكارلىشىپ تەتقىق قىلىپ چىققان ئىكەن. JBM گوروھى بۇنىڭ ھىندىستاننىڭ تۇنجى توكلۇق ئاممىۋى ئاپتوبوسى ئىكەنلىكىنى، كەلگۈسىدە ھىندىستاندا تۈركۈملەپ ئىشلەپچىقىرىلىدىغانلىقىنى بىلدۈرگەن. توكلۇق ئاممىۋى ئاپتوبوسلارنىڭ ئوتتۇرىغا چىقىشىدىكى ئاساسلىق مەقسەت يىقىلغۇنى ئېنېرگىيە قىلىدىغان ئاپتوموبىللارنىڭ ھىندىستاننىڭ ھاۋا سۈپىتىگە بولغان تەسىرىنى ئازايتىش ئىكەن.

      بۇ توكلۇق ئاپتوبۇس توققۇز ۋە 12 مېتىرلىق دەپ ئىككى خىلغا ئايرىلىدىكەن. شىركەتنىڭ باياناتىدا دېيىلىشىچە، بۇ ئاپتوموبىلنىڭ باتارىيەسى بىر قېتىملىق توك بىلەن 10-15 سائەت يول يۈرەلەيدىكەن، تولۇق زەرەتلەنگەندىن كىيىن، باسالايدىغان مۇساپىسى 150 دىن 200 كىلومېتىرغىچە بولىدىكەن.

      JBM گوروھىنىڭ ئىجرائىيە مۇدىرى Nishant Arya تاراتقۇلارنىڭ زىيارىتىنى قوبۇل قىلغاندا، JBM گوروھىنىڭ بۇندىن كىيىن ھىندىستان ھۆكۈمىنىڭ چاقىرىقىغا داۋاملىق ئاكتىپ ئاۋاز قوشۇپ، ھىندىستان ئۈچۈن تېخىمۇ كۆپلىگەن ئەقلىي ئىقتىدارلىق مۇلازىمەت تۈرلىرىنى يولغا قويىدىغانلىقىنى بىلدۈرگەن.