3-فېۋرال ئەتىگەن سائەت 9:50 ئەتراپىدا، تۇرپان-ئۈرۈمچى يۇقىرى دەرىجىلىك تاشيولىنىڭ ئۈرۈمچىدىن تۇرپانغا قاراپ ماڭغان يۆلىنىشتىكى تۇز كۆل ھەق تاپشۇرۇش پونكىتىغا 50 مېتىر كېلىدىغان يول بۆلىكىدە، يول زىيادە تېيىلغاق بولۇش تۈپەيلى 4 ماشىنىنىڭ ئارقىمۇ-ئارقا سوقۇلۇش ۋەقەسى يۈز بەرگەن. ۋەقە يۈز بەرگەندىن كېيىن قاتناش يۇقىرى تارماق ئەترىتى داۋانچىڭ چوڭ ئەترىتىنىڭ خادىملىرى نەق مەيدانغا يېتىپ كېلىپ يولنى راۋانلاشتۇرۇپ، نەق مەيداندا ۋەقەنى بىر تەرەپ قىلغان. بۇ قېتىملىق ۋەقەدە بەشەيلەن يېنىك دەرىجىدە يارىلانغان بولۇپ، شۇ ھامان دوختۇرخانىغا داۋالاشقا ئېلىپ بېرىلغان، بۇ قېتىملىق ۋەقەدە قىستاڭچىلىق ۋەقەسى يۈز بەرمىگەن.

تۈنۈگۈن، قاتناش يۇقىرى تارماق ئەترىتى داۋانچىڭ چوڭ ئەترىتى ئەترەت باشلىقىنىڭ مۇخبىرغا دېيىشىچە، ۋەقە يۈز بەرگەندىن كېيىن ئەترەتتىكى خادىملارنى ئېلىپ نەق مەيدانغا بارغان ئىكەن. شۇ كۈنى، داۋانچىڭ چوڭ ئەترىتى تەۋەلىكىدىكى تۇز كۆل ھەق تاپشۇرۇش پونكىتى ئەتراپىدىكى يول بۆلىكى قارلىق ھاۋا رايى تۈپەيلى تېيىلغاق بولۇپ كەتكەن، ئاقىۋەتتە ئىككى پىكاپ تۇز كۆل ھەق تۆلەش پونكىتىغا 50 مېتىر كېلىدىغان جايدا سوقۇلۇشقان بولۇپ، ئىككى ماشىنا ئىگىسى ماشىنىنى بىخەتەر جايغا يۆتكىمەستىن شۇ جايدىلا ماشىنىسىنى توختاتقان.

        قاتناش ساقچىسى ياڭ خەيجۈن : «ئەينى ۋاقىتتا بۇ ھادىسىنىڭ ئىككى ماشىنىغا ھېچقانداق چوڭ زىيان بولمىغان، نورمال يۈرۈشكە تەسىرى بولمىغان بولسىمۇ، ئىككەيلەن ماشىنىنى شۇ جايدىلا توختىتىپ ماشىنىدىن چۈشۈپ توغرا-خاتالىقنى تالىشىشقا باشلىغان، بۇ چاغدا ئۈچۈنچى پىكاپ تورمۇزنى تۇتقان بولسىمۇ ئۈنۈم بەرمەي بۇ ئىككەيلەن بىلەن ئۇلارنىڭ ماشىنىسىنى سوققان، بۇ ۋاقىتتا ئۈچ ماشىنىدىكى ئۈچەيلەن ئوخشىمىغان دەرىجىدە يېنىك يارىلانغان. تۆتىنچى پىكاپمۇ ئوخشاشلا تورمۇز تۇتقان بولسىمۇ يول تېيىلغاق بولۇشى سەۋەبلىك ئۇلارغا سوقۇلغان، ئاقىۋەتتە جەمئىي بەشەيلەن يېنىك دەرىجىدە يارىلانغان بولۇپ، بىز ئۇلارنى دوختۇرخانىغا ئېلىپ باردۇق» دېدى.

ياڭ خەيجۈننىڭ تونۇشتۇرىشىچە، يېقىنقى مەزگىللەردە، ئۈرۈمچىدىن تۇرپانغا ماڭغان تاق يۆلىنىشتىكى ماشىنىلارنىڭ سانى كۆرۈنەرلىك دەرىجىدە ئېشىۋاتقان بولۇپ، ئىلگىرى ھەر كۈنى تەخمىنەن 6000 ئەتراپىدا ماشىنا ئۆتىدىغان بولۇپ، ھازىر بۇ سان 9000 غا يېقىنلاشقان.

نۇر تورى تەشۋىقاتى ھەر قايسى شوپۇر دوستلارنىڭ قىش پەسلىدىكى سوغۇق ۋە قارلىق ھاۋا رايىدا ماشىنا ھەيدىگەندە بىخەتەرلىككە دىققەت قىلىشنى سەمىمىي ئەسكەرتىمىز !