چەتئەل  تورى خەۋىرى لەگلەك تورى تەرجىمىسى.مىسىر ھۆكۈمەت تەرەپ تاراتقۇسى ئوتتۇرا شەرق ئاگېنتلىقىنىڭ شۇ يەر ۋاقتى 22-دېكابىردىكى خەۋىرىگە قارىغاندا مىسىر زۇڭتۇڭى سېسى 21-دېكابىر پارلامىنېت سايلىمى سايلام رايونى قانۇنىنى ئىمزالىغان شۇنىڭ بىلەن پارلامىنېت سايلىمىغا بېلەت تاشلاش يولى ئېچىلغان .
يېڭىدىن سايلانغان پارلامىنېت سايلىمى سايلام رايونى قانۇنىغا ئاساسەن مىسىر يېڭى پارلامىنتىدا 567 ئورۇن تەسىس قىلىنىدۇ ئۇنىڭ ئىچىدىكى 420ئورۇن ھېچقانداق پارتىيە گۇرۇھقا تەۋە بولمىغان مۇستەقىل پارلامىنېت ئەزالىرىغا ،120 ئورۇن پارتىيە گۇرۇھلار پارلامىنېت ئەزالىرىغا تەۋە بۇلۇپ ،باشقا 27 ئورۇندىكى پارلامىنېت ئورنىنى زۇڭتۇڭ ئۆزى بىۋاستە تەيىنلەيدۇ .مىسىر 244 سايلام رايونىغا ئايرىلغان .ئۇنىڭ ئىچىدىكى 237 سايلام رايونىدىكى نامزاتلار يېڭى پارلامىنىتتىكى مۇستەقىل پارلامىنېت ئەزالىرى ئورنىنى ،بىر قەدەر چوڭ تۆت سايلام رايونى ئورنىنى پارتىيە گورۇھلۇق زاتلار پارلامىنېت ئورنىنى تالىشىدۇ .ھەر بىر بىر قەدەر چوڭ سايلام رايونىنىڭ ھەممىسى بىر نەچچە چوڭ ئۆلكىنى ئۆز ئىچىگە ئالىدۇ .

مىسىر زۇڭتۇڭى سېسىي مىسىر پارلامىنتى سايلىمىغا بېلەت تاشلاشنىڭ كېلەر يىلى 3-ئاينىڭ ئاخىرىدىن ئىلگىرى ئېلىپ بېرىلىدىغانلىقى كونكرېت ۋاقىتنىڭ تېخى بېكىتىلمىگەنلىكىنى بىلدۈردى .پارلامىنېت سايلىمى بۇلتۇر 7-ئايدا مۇرسىي زۇڭتۇڭلۇق ۋەزىپىسىدىن قالدۇرۇلغاندىن كېيىن مىسىر ھۆكۈمىتى بېكىتكەن سىياسىي يول خەرىتىسى پىلانىنىڭ ئۈچىنچى قەدىمى شۇنداقلا ئەڭ ئاخىرقى قەدىمى بۇلۇپ ئۇنىڭدىن ئىلگىرى مىسىر يېڭى ئاساسىي قانۇنىنى ئومۇمىي خەلق ئاۋازغا قۇيۇش ۋە زۇڭتۇڭ سايلىمىنى غەلىبىلىئاينىڭ ئاخىرىدىن ئىلگىرى ئېلىپ بېرىلىدىغانلىقى كونكرېت ۋاقىتنىڭ تېخى بېكىتىلمىگەنلىكىنى بىلدۈردى .پارلامىنېت سايلىمى بۇلتۇر 7-ئايدا مۇرسىي زۇڭتۇڭلۇق ۋەزىپىسىدىن قالدۇرۇلغاندىن كېيىن مىسىر ھۆكۈمىتى بېكىتكەن سىياسىي يول خەرىتىسى پىلانىنىڭ ئۈچىنچى قەدىمى شۇنداقلا ئەڭ ئاخىرقى قەدىمى بۇلۇپ ئۇنىڭدىن ئىلگىرى مىسىر يېڭى ئاساسىي قانۇنىنى ئومۇمىي خەلق ئاۋازغا قۇيۇش ۋە زۇڭتۇڭ سايلىمىنى غەلىبىلىك تاماملىدى .
مىسىر قاھىرە جىنايى ئىشلار سوت مەھكىمىسى 29 – نويابىر مىسىرنىڭ سابىق زۇڭتۇڭى مۇبارەكنىڭ نامايىشچىلارنى ئۆلتۈرۈش ۋە ئىسرائىلىيەگە تەبىئىي گازنى بازار باھاسىدىن تۆۋەن باھادا ئېكسپورت قىلىپ قانۇنسىز پايدا ئېلىش قىلمىشلىرى جىنايەت شەكىللەندۈرمەيدىغانلىقىنى ئېلان قىلدى. بۇنىڭدىن ئىلگىرى مۇبارەك ئۆمۈرۋايەت قامىلىش جازاسىغا ھۆكۈم قىلىنغانىدى.

ئوتتۇرا شەرق تەھلىلچىلىرى مۇنداق قارىدى: بۇ ھۆكۈم مىسىردىكى ھەرقايسى كۈچلەرنىڭ ئۆزئارا كۈچ سىناشقانلىقىنىڭ نەتىجىسى. ئۇ، مىسىر جەمئىيىتىنىڭ كەلگۈسى تەرەققىياتىغا تەسىر كۆرسىتىدۇ.مىسىر سوت مەھكىمىسى مۇبارەكنى قايتا – قايتا سوتلىغان بولۇپ، سوت قىلىش جەريانى تولىمۇ ئوڭۇشسىز بولغان.مىسىردا 2011 – يىلى يانۋارنىڭ ئاخىرى ھۆكۈمەتكە قارشى كەڭ كۆلەمدە ئېتىراز بىلدۈرۈش باشلانغاندىن كېيىن، مۇبارەك ۋەزىپىسىدىن ئىستېپا بەرگەن. شۇ يىلى ئاپرېلدا ئۇ سوراققا تارتىلغان. 2012 – يىلى ئىيۇندا قاھىرە جىنايى ئىشلار سوت مەھكىمىسى مۇبارەكنى ئۆمۈرۋايەت قامىلىش جازاسىغا ھۆكۈم قىلغان. مۇرسى مىسىرنىڭ زۇڭتۇڭى بولغاندىن كېيىن، مۇبارەككە بېرىلگەن جازا «ئېغىر بولمىغان» دەپ قاراپ، مۇبارەكنى قايتا سوتلاشنى تەلەپ قىلغان. لېكىن، سوت قىلىش كۆپ قېتىم كېچىكتۈرۈلۈپ، 2013 – يىلى 10 – ئىيۇنغا كەلگەندە ئاندىن رەسمىي سوت ئېچىلغان.

مىسىردىكى بەزى كۆزەتكۈچىلەر مۇنداق قارىدى: مۇبارەك مىسىرغا 30 يىل ھۆكۈمرانلىق قىلغان رەھبەر بولغانلىقى ئۈچۈن، ئۇنى سوتلاش جەريانىنىڭ سىياسىيلىشىشىدىن ساقلانغىلى بولمايدۇ. ئەمەلىيەتتە، سوت قىلىش جەريانىنىڭ ئۈچ يىلغا سوزۇلۇشى ۋە قايتا – قايتا سوت قىلىنىشى مىسىردىكى ھەرقايسى كۈچلەرنىڭ كۈچ سىناشقانلىقىنىڭ نەتىجىسى.مۇبارەكنىڭ بىگۇناھ دەپ ھۆكۈم قىلىنغانلىقىغا مىسىرنىڭ ھازىرقى ئالاھىدە ئىجتىمائىي مۇھىتى سەۋەب بولغان. 2013 – يىلى ئىيۇلدا سېزى رەھبەرلىكىدىكى ھەربىي دائىرىلەر مۇرسىنى زۇڭتۇڭلۇق ۋەزىپىسىدىن قالدۇرۇۋەتكەندىن كېيىن، مىسىردىكى سىياسىي توقۇنۇش ھەربىي دائىرىلەر بىلەن مۇسۇلمان قېرىنداشلار جەمئىيىتى ئارىسىدىكى توقۇنۇشقا ئۆزگەرگەن. شۇنىڭ بىلەن مۇبارەك زىددىيەتنىڭ قىزىق نۇقتىسى بولمىغان، ھەربىي دائىرىلەرنىڭ كونتروللۇقىدىكى ھاكىمىيەت يۈرگۈزۈۋاتقان ھۆكۈمەتنىڭ ئۇنىڭغا تۇتقان پوزىتسىيەسى خېلىلا يۇمشىغان، ئامما بىلەن جامائەت پىكرىمۇ ئۇنى «ئۆتۈپ كەتكەن تارىخ» دەپ قاراپ، ئۇنىڭ دېلوسىغا ئانچە كۆڭۈل بۆلمەيدىغان بولۇپ قالغان.سوت مەھكىمىسى مۇبارەككە بىگۇناھ، دەپ ھۆكۈم ئېلان قىلغاندىن كېيىن، مىسىر تەپتىش مەھكىمىسى بۇ ھۆكۈمگە قارىتا نارازىلىق ئەرزى سۇنىدىغانلىقىنى ئېيتقان. لېكىن، جامائەتچىلىك بۇ دېلونى قايتا سوت قىلىش مۇمكىنچىلىكى ئىنتايىن كىچىك، دەپ قارىغان.مىسىر جامائەتچىلىكى مۇنداق قارىدى: يۇقىرىقى ھۆكۈمنىڭ مىسىر جەمئىيىتىگە كۆرسىتىدىغان تەسىرى تۆۋەندىكى بىر قانچە تەرەپتە ئەكس ئېتىشى مۇمكىن:

بىرىنچى، سابىق مۇبارەك ھۆكۈمىتى ئەزالىرىنىڭ ئىستىقبالىغا تەسىر يەتكۈزىدۇ. قىسمەن تەھلىلچىلەر مۇنداق دېدى: مۇبارەك ئەزا بولغان ئىلگىرىكى مىللىي دېموكراتىك پارتىيەنىڭ ئەزالىرى پات ئارىدا ئۆتكۈزۈلىدىغان مىسىر پارلامېنت سايلىمىغا تەييارلىق كۆرۈپ قويدى، ئۇلار پارلامېنت سايلىمىدا كۆپ ساندىكى ئورۇنغا ئېرىشمەكچى، مۇبارەكنىڭ ئۈستىدىن بىگۇناھ، دەپ ھۆكۈم چىقىرىلغانلىقى ئۇلارغا نىسبەتەن زور ئىلھام بولدى. بەزى مۇتەخەسسىسلەر: ھازىرقى سېزى ھۆكۈمىتى بىلەن مۇبارەكنى قوللىغۇچىلارنىڭ چېگراسى ئىنتايىن ئېنىق، سېزى مۇبارەكنى قوللىغۇچىلارنىڭ قايتىدىن باش كۆتۈرۈشىگە ھەرگىز يول قويمايدۇ، دەپ قارىدى.ئىككىنچى، ئىلگىرى «2011 – يىل ئىنقىلابى»نى قوزغىغان ياشلار تەشكىلاتىنىڭ تەقدىرىگە تەسىر يەتكۈزىدۇ. سىياسىي تەھلىلچى ئابدۇللا مۇنداق قارىدى: ئەينى چاغدا «ئىنقىلاب» قوزغىغان بۇ ياشلار تەشكىلاتى ھۆكۈم نەتىجىسىدىن چوقۇم غەزەپلىنىدۇ، ئۇلار غەزىپىنى بېسىۋالغان تەقدىردىمۇ، كېيىنچە غەزىپىنى باشقىچە شەكىلدە ئىپادىلەيدۇ.ئۈچىنچى، ساقچىلارنىڭ كەلگۈسىدىكى قانۇن ئىجرا قىلىش ئۇسۇلىغا تەسىر كۆرسىتىدۇ. سىياسىي تەھلىلچى جاۋاد مۇنداق قارىدى: بۇ قېتىمقى ھۆكۈم ھەربىيلەر بىلەن ساقچىلارنى ئەندىشىدىن خالاس قىلدى، ئۇلار نامايىشچىلارغا داۋاملىق قورال كۈچى ئىشلىتەلەيدىغان بولدى. لېكىن، قىسمەن مۇتەخەسسىسلەر مۇنداق قارىدى: ھەربىيلەر بىلەن ساقچىلارنىڭ قورال كۈچىدىن تېخىمۇ كۆپ پايدىلىنىش – پايدىلانماسلىقى مىسىردا ھاكىمىيەت يۈرگۈزۈۋاتقان ھۆكۈمەتنىڭ سىياسىي خاھىشىغا باغلىق. ئەمەلىيەت شۇنى ئىسپاتلىدىكى، قورال كۈچىدىن بەك كۆپ پايدىلىنىش ھۆكۈمەتنىڭ ھازىرقى دۆلەتكە ھۆكۈمرانلىق قىلىشىنى مۇستەھكەملىشىگە پايدىسىز.
لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK