1944-يىلى ئىيۇندا ئىتتىپاقداش ئارمىيە نورماندىدا قۇرۇقلۇققا چىققاندىن كېيىن گېرمانىيە ئارمىيىسى پۈتۈن سەپ بويىچە يېڭىلىشكە باشلىدى، ئەسىرگە چۈشكەن گېرمانىيىلىك ئەسىرلەر پاراخوت ئارقىلىق فرانسىيىدىن ئەنگلىيىنىڭ ماچاند، دېۋىز قاتارلىق رايونلىرىدىكى ئەسىرلەر لاگىرىغا يۆتكەپ كېلىندى. ئۇزاق ئۆتمەي بۇ بىرقانچە ئەسىرلەر لاگېرىدىكى ئەسىرلەر 100مىڭغا يەتتى. شۇ يىلى 20-نويابىر سەھەردە 23ئەسىرلەر لاگېرىدىن 10ئەسىرنىڭ قېچىپ كەتكەنلىكى بايقالدى، ئۇلار تۈن قاراڭغۇسىدىن پايدىلىنىپ، تىكەنلىك سىم توردىن ئارتىلىپ ئۆتۈپ قېچىپ كەتكەن بولۇپ، نەچچە كۈنلۈك قاتتىق ئىز قوغلاپ ئاختۇرۇش نەتىجىسىدە، قاچقۇنلار ئارقا ئارقىدىن قولغا چۈشتى ۋە شۇ يەردە تۇرۇشلۇق ئامېرىكىنىڭ پاراشۇتچىلار پولكىنىڭ تەكشۈرۈپ ئېنىقلىشىغا تاپشۇرۇپ بېرىلدى. تەجرىبىلىك خادىملارنىڭ تەكشۈرۈش نەتىجىسىدە 1-دەرىجىلىك ئەسكەر ستوۋىچ كىشىنى ھەيران قالدۇرغان بىر قېتىملىق قېچىش پىلانىنى ئىقرار قىلدى.ستوۋىچنىڭ ئېيتىشىچە، 1944-يىلى «مىلاد بايرىمى» ھارپىسىدا ئەسىرلەر لاگېرىدىكى بارلىق ئەسىرلەر بىرۋاقىتتا تۈرمىدىن قاچماقچى بولغان، بۇ ھەرىكەتنى ئېسئېسچىلار ئورۇنلاشتۇرغان بولۇپ، يەنە بىر تۈركۈم جاسۇسلارمۇ بۇ ھەرىكەتكە قاتناشقان، دەسلەپتە قاچماقچى بولغان ئەسىرلەر خان جەمەتى ھاۋا ئارمىيىسىدىن ئايروپىلان، شۇ جايدا تۇرۇشلۇق ئامېرىكا ئارمىيىسىدىن تانكا ۋە ھەربىي لازىمەتلىكلەرنى بۇلاپ، قالغان ئەسىرلەرنى تولۇق قۇتقۇزۇپ چىقىپ، لوندوننى ئىشغال قىلىش، شۇنداقلا گېرمانىيە ئارمىيىسى بىلەن ماسلىشىپ شەرقىي ئەنگلىيىگە بۆسۈپ كىرىپ، بۇيەردە گېرمانىيە پاراشۇتچىلار قىسمى بىلەن ئۇچرىشىپ، ئۇلارنىڭ ياردىمىدە نۇفۇك دېڭىز ساھىلىدىكى ئەنگلىيە ئارمىيىسىنىڭ دېڭىز مۇداپىئە سېپىنى بۆسۈپ تاشلاپ، گېرمانىيە ئارمىيىسىنىڭ قۇرۇقلۇققا ئوڭۇشلۇق چىقىشىغا پۇرسەت يارىتىپ بەرمەكچى بولغان.

ئەنگلىيە تەرەپ ستوۋىچنىڭ ئىقرارىغا ئىشەنمىدى. كېيىن گوللاندىيىنىڭ «گېرمانىيە ئىككى دىۋىزىيە ئەسكىرى كۈچ بىلەن ئەنگلىيىنىڭ لوندونغا ھۇجۇم قىلىشقا تەييارلىنىۋاتىدۇ» دېگەن مەزمۇندىكى ئاخباراتنى تاپشۇرۇۋالغاندىن كېيىنلا ئاندىن ئۇنىڭ دېگەنلىرىگە ئىشەندى.

     ئۇ بۇ پىلاننى ئاشكارىلاش بىلەن بىر ۋاقىتتا، يەنە بىر ئەسىرلەر لاگېرىدىكى ناتسىست ئەمەلدارلارنىڭ 16-دېكابىر قېچىش ۋەزىپىسىنى ئىجرا قىلىش بۇيرۇقىنى تاپشۇرۇۋالغانلىقىنى ۋە ھەرىكەتنىڭ شۇ كۈنى باشلىنىدىغانلىقىنى ئىقرار قىلدى.

     شۇنىڭ بىلەن ئامېرىكا پاراشوتچىلار دېۋىزىيىسى ئىنتايىن مەخپىي ھالدا ھەرقايسى ئەسىرلەر لاگېرىدىكى گېرمانىيىنىڭ ھەربىي ئەمەلدارىنى تۇتۇپ كېلىپ، ئۇلارنى ھەربىي ئاخبارات ئىدارىسىغا تاپشۇرۇپ بەردى. بۇ ئىشنى پەقەت شۇ ئىشقا مەسئۇل بىرقانچە ھەربىي ئەمەلدارلىرىدىن باشقا ھېچكىم بىلمەيتتى. لېكىن 17-دېكابىر ئەنگلىيە «تېز گېزىتى»نىڭ مۇخبىرى ئەسىرلەت لاگېرىنى زىيارەت قىلىش جەريانىدا، بەزى خەۋەرلەرنى ئاڭلاپ قىلىپ، ستارشى لېيتېنات ھېسنى زىيارەت قىلماقچى بولۇپ، بۇ ئىشنىڭ تەپسىلاتىنى بىلمەكچى بولدى، لېكىن ھېس زىيارەتنى رەت قىلدى. شۇنداقتىمۇ بۇ ئايال مۇخبىر كامىرلارنى ئارىلاپ يۈرۈپ، قاراۋۇللۇقتىن قالدۇرۇلغان بىر ئەسكەردىن بۇ مەخپىيەتلىككە ئېرىشتى ۋە ئەتىسى گېزىتتە ئېلان قىلىۋەتتى.

    ئەنگلىيە ھۆكۈمىتى دۆلەت ئىچى ۋەزىيىتىنى كونترول قىلىش ئۈچۈن بۇ ۋەقەنىڭ يۈز بەرگەنلىكىنى ئىنكار قىلدى. 50يىل ئۆتۈپ كەتتى، كىشىنى ھەيران قالدۇرىدىغان بۇ خەۋەر ئاخىرى ئاشكارىلاندى. پولاتتەك پاكىتلار شۇنى ئىسپاتلىدىكى، ناتسىستلار گېرمانىيە ئەسىرلىرىدىن پايدىلىنىپ ئەنگلىيىگە ھۇجۇم قىلماقچى بولغان.