ئامېرىكا زۇڭتۇڭى ئوباما شۇ يەر ۋاقتى 2015-يىلى 29-ئىيۇن ۋاشىنگتوندا سودىنى ئىلگىرى سۈرۈشكە ھوقۇق بېرىش قانۇن لايىھەسىگە ئىمزا قويدى، ئىمزا قويۇشتىن كېيىن، ئوباما تاقەت قىلالماي سۆھبەتنىڭ تاماملىنىشىغا بولغان ئارزۇسىنى تىلغا ئالغان، يەنە ئىمزا قويغان ۋاقىتتا كەيپىياتىنىڭ ئىنتايىن ياخشى ئىكەنلىكىنى ئېيتقان. سودىنى ئىلگىرى سۈرۈشكە ھوقۇق بېرىش قانۇن لايىھەسىنى پارلامېنت نۇرغۇن قېتىملاپ يېنىۋېلىپ، يەنە قايتا مۇھاكىمە قىلىش ئارقىلىق ئاخىرى ماقۇللىغان، ئوباما شۇ كۈنى چۈشتىن كېيىن مەمۇرىي ئەمەلدارلار ۋە دېموكراتلار پارتىيەسى، جۇمھۇرىيەتچىلەر پارتىيەسىدىكى نۇرغۇن ئەزالارنىڭ گۇۋاھلىقىدا، ئالاقىدار قانۇن لايىھەسىگە ئىمزا قويۇپ، كۈچگە ئىگە قىلغان، ئۇ ئىمزا قويغاندا بىر ھەرپكە بىردىن دېگۈدەك قەلەم ئىشلەتكەن بولۇپ، ئىمزا قويۇپ بولغۇچە 20 تال قەلەمنىڭ ھەممىسىنى بىر قېتىمدىن ئىشلەتكەن. ئوباما بۇ خىل قانۇن لايىھەسىنى ئىمزالىغانلىقىدىن تولىمۇ خۇشال بولغانلىقىنى بىلدۈرگەن.