بازار تەكشۈرۈش ئورگىنى IDC بۈگۈن 2015-يىلى 3-پەسىل (30-سېنتەبىرگىچە ھېسابلانغان) ئىچىدىكى ئەقلىي ئىقتىدارلىق تاقىما ئۈسكۈنىلەر (ئەقلىي ئىقتىدارغا ئىگە قول سائىتى، بىلەيزۈك، قول بېغى قاتارلىقلارنى كۆرسىتىدۇ) نىڭ مال چىقىرىش مىقدارىغا ئائىت ئەڭ يېڭى دوكلاتنى ئېلان قىلغان. دوكلاتتا كۆرسىتىلىشىچە، Fitbit دۇنيا بويىچە سېتىلىش ئەھۋالى ئەڭ ياخشى بولغان تاقىما ئۈسكۈنە ماركىسىغا ئايلانغان بولۇپ، يەر شارى مىقياسىدىكى مال چىقىرىش مىقدارى 4.7 مىليونغا يەتكەن، بازار ئۈلۈشى %22.2 نى ئىگەللىگەن؛ ئالما قول سائىتى Apple Watch نىڭ سېتىلىش مىقدارىمۇ بۇ قېتىم رەسمىي ئاشكارىلانغان بولۇپ، ئالدىنقى بىر پەسىللىك مال چىقىرىش مىقدارى 3.9 مىليون دانە، بازار ئۈلۈشى بولسا %18.6 بولغان؛ ئەرزان باھالىق شىياۋمى بىلەيزۈكىنىڭ مال چىقىرىش مىقدارى 3.7 مىليونغا يەتكەن، مال چىقىرىش مىقدارى بۇلتۇرقىدىن %815.4 ئېشىپ كەتكەن.
بۇندىن باشقا، Garmin ۋە BBK قاتارلىقلارنىڭ سېتىلىش مىقدارى ئايرىم-ئايرىم ھالدا 900 مىڭ ۋە 700 مىڭ بولۇپ، %4.1 ۋە %3.1 لىك بازارنى ئىگەللىگەن.
2015-يىلى 3-پەسىلدە، تاقىما ئۈسكۈنىلەرنىڭ يەر شارى مىقياسىدىكى ئومومىي مال سېتىلىش مىقدارى 21 مىليون بولۇپ، بۇلتۇرقى 7.1 مىليوندىن %197.6 ئاشقان، تەنھەرىكەت ئىز قوغلاش ئىقتىدارىنى ھازىرلىغان بىلەيزۈك تىپىدىكى تاقىما ئۈسكۈنىلەرنىڭ ئوتتۇرىچە باھاسى 94 دوللار، ئەقلىي ئىقتىدارلىق قول سائىتى تىپىدىكى تاقىما ئۈسكۈنىلەرنىڭ ئوتتۇرىچە باھاسى 400 دوللار بولغان، جۇڭگو تاقىما ئۈسكۈنىلەرنىڭ تەرەققىياتى ئەڭ تېز بولۇۋاتقان دۆلەتكە ئايلانغان.
لەگلەك تور- تېخنىكا گۇرپپىسى : نەشىر ھوقۇقى لەگلەك تورىغا مەنسۇپ
ئېلان ھەمكارلىق تېلفۇنى : 18699111370 , 8555159-0991
Copyright ©2013-2015 by www.leglek.com all rights reserved