جۇڭگو خەۋەرلەر تورى خەۋىرى | لەگلەك تورى تەرجىمىسى:  شىنخۇا ئاگېنىتلىقى 9 – ئاينىڭ 13 – كۈنى ئۈرۈمچىدىن ئەۋەتكەن تىلىگىراممىسى. جۇڭگو كوممۇنىستىك پارتىيىسى مەركىزىي كومىتېتى سىياسىي بيرۇسىنىڭ ئەزاسى، ئاپتونوم رايونلۇق پارتكوم شۇجىسى جاڭ چۈنشىيەن9 - ئاينىڭ 11 – كۈنىدىن 13 – كۈنىگىچە خوتەن ۋېلايىتىدە تەكشۈرۈش مەزگىلىدە، ئۇيغۇر تىلىدا ماقال – تەمسىللەرنى نەقىل ئېلىپ مۇنداق دېگەن: "ئۆز مېيىدا ئۆز گۆشىنى قۇرۇسا تەملىك بولىدۇ" دېگەن ماقالدا ئىيتىلغاندەك، نۆۋەتتە بىز يېڭى ئەھۋالغا ماسلىشىپ، يېڭى مەسىلىلەرنى تەتقىق قىلىپ، مەركەز روھى ۋە شىنجاڭنىڭ ئەمەلىي ئەھۋالىنى زىچ بىرلەشتۈرۈپ، يەرلىك ئەمەلىيتىگە ياخشى ماسلاشتۇرۇشىمىز لازىم.

جاڭ چۈنشىيەن يەنە مۇنۇلارنى تەكىتلىگەن: خوتەن ۋېلايىتى ئەۋزەللىكلەردىن پايدىلىنىشنى ئاساس قىلىپ، خەلق تۇرمۇشىنى ئىزچىل ياخشىلىشى كېرەك. داۋاملىق ھالدا "قىسقا، تەكشى، تىز" تۈرىنى چىڭ تۇتۇپ ئىشلەپ، سېلىنما مەبلەخ ئاز، ئۈنۈمى تىز، ئىشسىزلىقنى كۆپ ھەل قىلالايدىغان، يەرلىكتە بازار ئىھتىياجى بولغان ياخشى تۈرلەرنى قايتىدىن رەتلەپ چىقىش كېرەك. ئاپتۇنۇم رايۇنىمىز بۇ خىل تۈرلەرنى يەنىمۇ ئىلگىرلىگەن ھالدا قوللايدۇ.

ئۇ يەنە مۇنداق دېگەن: خوتەننىڭ دېھقانچىلىق ئىشلىرىنى ياخشى ئېلىپ بېرىش، قۇملۇقتىن ئۈنۈملۈك پايدىلىنىش، يەر ئاستى سۈيىنى قىزىش نورمىدىن ئىېشىپ كەتمىگەن ئەھۋال ئاستىدا، دېھقانچىلىق تۈرلىرىنىڭ ئىجاتچانلىقىنى ئاشۇرۇش، بىر قىسىم ئۇل مۇئەسسە دېھقانچىلىق تۈرلىرى، ئىلمىي دېھانچىلىق تۈرلىرى ۋە دېھقانچىلىق مەھسۇلاتلىرىنى پىششىقلاپ ئىشلەش سانائىتىنى كۆپرەك تەرەققىي قىلدۇرۇپ، ھەرمىللەت خەلق ئاممىسىنى بېيىشقا يىتەكلەش كېرەك.

ئۇ يەنە تەكىتلەپ مۇنداق دېگەن: ھەرمىللەت خەلق ئاممىسى تېررورلۇققا قارشى تۇرۇشتىكى مۇھىم كۈچ ھېسابلىنىدۇ. نۆۋەتتە خوتەن ۋېلايىتىدە كۆپ قېتىملىق ئامما بىرلىكتە ئاكتىپ زەربە بېرىپ، تېررورچىلارنى قورشاپ تۇتۇشتەك نەمۇنىلىلىك ئىشلار كۆرۈلدى.

ئۇ يەنە مۇنۇلارنى دېگەن: خىزمەتلىرىمىزدىن شۇنداق تەجرىبە ساۋاقلارنى يەكۈنلەشكە بولىدۇكى - بىرىنچىدىن، تەشۋىقات – تەلىم خىزمەتلىرىنى ئىزچىللاشتۇرۇپ، ھەممە سۆزلەپ ھەقنى ئايدىڭلاشتۇرۇشنى داۋاملاشتۇردۇق. نەتىجىدە ھەرمىللەت ئاممىسىنىڭ زوراۋان ئۇنسۇرلارغا بولغان تونۇشى بارغانسىرى ئايدىڭلاشماقتا؛ ئىككىنچىدىن، قاتتىق زەربە بېرىش مەخسۇس ھەرىكىتىنى تېخىمۇ چوڭقۇر قانات يايدۇردۇق ؛ ئۈچىنچىدىن "خەلق ھېسياتىنى چۈشىنىش، خەلقكە نەپ يەتكۈزۈش، خەلق كۆڭلىنى مايىل قىلىش" پائالىيەتلىرىنى چوڭقۇر قانات يايدۇرۇپ،كەڭ خەلق ئاممىسى ئارىسىدا تەلىم –تەربىيە خىزمىتىنى كۈچەيىتتۇق؛ تېررورلۇققا قارشى ھەرىكەتلەرگە پائال قاتناشقان ئاممىنى ۋاقتىدا مۇكاپاتلاپ، خەلق ئاممىسىنى ئاكتىپلىقىنى قوزغىدۇق؛ بەشىنچى، ئىزچىل خەلق تۇرمۇشىنى ياخشىلاشقا كۈچەپ، خەلق كۆڭلىنى مايىل قىلىشقا ئاساس ياراتتۇق.

نۆۋەتتىكى تېررورلۇققا قارشى تۇرۇپ، مۇقۇملۇقنى قوغداش خىزمەتلىرىگە قارىتا، جاڭ چۈنشىيەن مۇنداق ئەسكەرتمە بەرگەن: نۆۋەتتە مۇھىمى "تۆت تۈرلۈك خىزمەت" نى چىڭ تۇتۇپ ئىشلىشىمىز كېرەك – يەنى، قاتتىق زەربە بېرىشتە تەۋرەنمەي چىڭ تۇرۇش، جەمئىيەت خارەكتېرلىك ئالدىنى ئېلىش باشقۇرۇش تۈزۈلمىسىنى كۈچەيتىش، زور كۈچ بىلەن تۈپ يىلتىىزىدىن تۈزەش خىزمېتىنى ياخشى ئىشلەش، ھەرقايىسى دەرىجىلىك پارتىيە رەھبەرلىرىنىڭ مەسئۇلىيىتىنى تولۇق يۈرگۈزۈش.