يېقىندا بېيجىڭدا تۇرۇشلۇق مەلۇم ئەر ناخشىچىنىڭ ئۆيىگە قىز مەستانىسى ئوغرىلىقچە كىرىپ ئۆيدە ئادەم يوقلىقىنى كۆرگەندىن كېيىن، كىيىملىرىنى سېلىپ يۇيۇندى. ئىگىلىنىشچە، بۇ قىز مەستانە ئوغرىلىقچە ئۆيىگە كىرگەن ناخشىچىنىڭ فامىلىسى جاۋ بولۇپ، جاۋ X بۇ ئەھۋالنى بايقىغاندىن كېيىن ساقچىغا مەلۇم قىلغان. ساقچىلار يېتىپ كەلگەندە بۇ قىز مەستانە يالىڭاچ ھالدا ۋاننا ئىچىدە يۇيىنىۋاتقان بولۇپ، تۈنۈگۈن، شۇ يەرلىك ساقچى تەرەپ مەلۇم شەھەر ئاھالىىسنىڭ ئۆيىگە ناتونۇش كىشىنىڭ ئوغرىلىقچە كىرگەنلىكى دېلوسىنى تاپشۇرىۋالغاندىن كېيىن ساقچى كۈچىنى چىقارغانلىقىنى بىلدۈردى.

     ناخشىچى جاۋ X نىڭ ۋاستىچىسىنىڭ بىلدۈرۈشىچە 14-يانىۋار، جاۋ X ئۆيىدە تۇرالغۇسىنىڭ ئېلكترونلۇق قۇلۇپىدا غەيرىي ئەھۋالنى سېزىپ تەكشۈرگەن بولسىمۇ باشقا ئەھۋالنى بايقىمىغان، ئارقىدىن ئۇ ئۆيىدىكى كۆزىتىش ئاپپاراتىنى قوزغىتىپ قويغان. 15-يانىۋار ئۇ شىركەتتە يىغىن ئېچىۋېتىپ يانفونى ئارقىلىق ئۆيىدىكى كۆزىتىش ئاپپاراتى كۆرۈنۈشىدە بىر ناتونۇش قىزنىڭ ئۆيىگە ئوغرىلىقچە كىرىپ ئۆزىنىڭ بۇيۇملىرىنى ئىشلەتكەنلىكىنى بايقىغان.

     ۋاستىچىنىڭ تونۇشتۇرۇشىچە، مەزكۇر قىز مەستانە ئۆتكەن يىلىلا نەچچە قېتىم جاۋ X نىڭ ئىزىغا چۈشكەن بولۇپ، دەسلەپتە بۇ قىزنى پەقەت جاۋ X نىڭ سادىق مەستانىسى دەپ بىلگەن، ئارقىدىن بۇ قىز مەستانە توختىماستىن جاۋ X نىڭ ئىزىغا چۈشۈپ ئۇنىڭغا پاراكەندىچىلىك سېلىپ ئۆزىنىڭ جاۋ X نىڭ شەخسىي ياردەمچىسى بولۇش ئارزۇسى بارلىقىنى بىلدۈرگەن، ئارقىدىن يەنە ھەر خىل باھانە-سەۋەبلەر بىلەن جاۋ X غا يېقىنلىشىشقا ئۇرۇنۇپ ھەتتا ئۇنىڭ قولىنى باغلاپ قويۇشقىمۇ ئۇرۇنغان. جاۋ X نىڭ ۋاستىچىسى : «ئۇنىڭ بۇ قىلمىشلىرى ئادەتتىكى نومال كىشىلەرنىڭ ئەقلىي دائىرىسىدىن ھالقىپ كەتتى» دېدى.