پۇتبول تورى خەۋىرى لەگلەك تورى تەرجىمىسى

بېيجىڭ گوئەن كۇلۇبى ئورگان تەرەپ جاڭ شىجې نىڭ گېرمانىيە ئا دەرىجىلىكلەر بىرلەشمىسىدىكى بۆرە قەلئەسى ۋورسبۇرگ كۇلۇبىغا يۆتكەلگەنلىكىنى جاكارلىدى. بۆرە قەلئەسى ۋورسبورگ كۇلۇبىنىڭ دېرىكتورى ئارۋۇس نىڭ ئاشكارىلىشىچە جاڭ شىجې كۇلۇب بىلەن ئىككى يېرىم يىللىق توختام تۈزگەن. يۆتكىلىش باھاسى بىر مىلىيۇن 500 يۈز مىڭ ياۋرو بولۇپ بۆرە قەلئەسىدە 29- نومۇرلۇق كىيىمنى كىيىدىكەن. كىيىمىنىڭ كەينىگە « ZHANG » دەپ يېزىلىدىكەن.

جاڭ شىجې 1991-يىلى 1-ئاينىڭ 23-كۈنى تۇغۇلغان بۇلۇپ 24 ياشقا كىرىش ئالدىدا. بوي ئېگىزلىكى 180 سانتىمىتىر . خۇبېي ئۆلكىسىنىڭ ۋۇخەن شەھرىدە تۇغۇلغان. كىچىك ۋاقتىدا چىنخۇاڭداۋ پۇتبول مەكتىپىنىڭ مەشىقىنى قۇبۇل قىلغان. ئاخىرىدا بېيجىڭ گوئەن كۇلۇبىغا قۇشۇلغان.

2009-يىلى 8-ئايدا جاڭ شىجې بېيجىڭ گوئەن كۇلۇبى ئۆز مەيدانىدا شەندۇڭ لۇنېڭ كۇلۇبى بىلەن بولغان مۇسابىقىدە تۇنجى قېتىم مەيدانغا چىققان. 2010-يىلى ئۇ ئىسپانىيەگە بېرىپ مەشىق ئېلىپ بارغان ھەم زىدانى نىڭ يېتەكلىشىگە ئېرىشكەن. 2010-يىلى بېيجىڭ گوئەن كۇلۇبى ئۆز مەيدانىدا خېنەن قۇرۇلۇش كۇلۇبى بىلەن بولغان مۇسابىقىدە ئىككى توپ كىرگۈزۈپ كۆزگە كۆرۈنۈشكە باشلىغان. 2012-يىللىق مۇسابىقە پەسلىدە ئۇ جۇڭگۇ دەرىجىدىن تاشقىرى بىرلەشمە مۇسابىقىسىنىڭ ئەڭ ياخشى يېڭى توپچى مۇكاپاتىغا ئېرشكەن. ئۇنىڭدىن كېيىنكى ئىككى مۇسابىقە پەسلىدە ئۇ ئۆزىنىڭ مۇقىم ھالىتىنى ساقلاپ كەلگەن. ئىككى مۇسابىقە پەسلىدە ئۇ جۇڭگۇ دەرىجىدىن تاشقىرى بقرلەشمىسىنىڭ دۆلەت ئىچى توپچلىرى ئىچىدە ياردەمچى پاس شاھى بولغان.  

جاڭ شىجې 2011-يىلى تۇنجى قېتىم جۇڭگۇ دۆلەت كوماندىسىغا كىرگەن. ھەم شۇنىڭدىن كېيىنكى كۆپ مۇسابىقىلەردە ئىپادىسى كۆرۈنەرلىك بولغان. 2014-يىلى 3-ئاينىڭ 5-كۈنى جۇڭگۇ بىلەن ئىراق ئوتتۇرسىدا ئېلىپ بېرىلغان مۇسابىقىدە جاڭ شىجې نۇقتا توپنى كىرگۈزۈپ جۇڭگۇ دۆلەت كوماندىسىنىڭ ئاسىيا لوڭقىسىنى تالىشىش پۇتبول مۇسابىقىسىيە قاتنىشىش سالاھىتىگە ئېرىشىشىگە چوڭ ياردەم قىلغان. بىراق پېررىن دۆلەت كوماندىسىنىڭ باش مەشقاۋۇلى بولغاندىن بېرى يېقىنقى بىر نەچچە قېتىم دۆلەت كوماندىسىنىڭ چوڭ تىزىملىكىدە جاڭ شىجې نىڭ قارىسى كۆرۈنمىدى.

جەمئى 9 نەپەر جۇڭگۇلۇق توپچى بەش چوڭ بىرلەشمە مۇسابىقىدە توپ تېپىپ باققان. ئۇلار بولسا ياڭ چېن ( فىرانكوف كۇلۇبى). سۈن جىخەي ( مانچىستىر شەھىرى كۇلۇبى ) . لى جىنيۈ ( جەنۇبى سىل كۇلۇبى ) . لى تىيې ( ئېۋىرتون كۇلۇبى ) . لى ۋېيفېڭ ( ئېۋىرتون كۇلۇبى ) . شاۋ جىيايى ( مىيۇنخېن 1860 كۇلۇبى ۋە كېرتىبۇس كۇلۇبى ) . دوڭ فاڭجۇ ( مانچىستىر بىرلەشمىسى كۇلۇبى ) . جېڭ جى ( چالتۇن كۇلۇبى ) . گاۋ جۈنۋېن ( شالكى 04 كۇلۇبى ) قاتارلىقلار. ما مىڭيۈ 2000-يىلى ئىتالىيە ئا دەرىجىلىكلەر بىرلەشمىسىدىكى پىرۇگا كۇلۇبىغا قوشۇلغان. بىراق مەيدانغا چىقىش پۇرسىتىگە ئېرىشەلمىگەن. جاڭ شىجې نىڭ بۇ قېتىم گېرمانىيە ئا دەرىجىلىكلەر بىرلەشمىسىگە قۇشۇلۇشى 2011-يىلى گاۋ جۈنۋېن شالكى 04 كۇلۇبىدىن ئايرىلغاندىن كېيىنكى جۇڭگۇلۇق توپچىنىڭ تۇنجى قېتىم بەش چوڭ بىرلەشمىگە قوشۇلىشى ھېسابلىنىدۇ.