مېركېل

گېرمانىيە ‹‹ ئەينەك ›› ھەپتىلىك ژۇرنىلىنىڭ 28–مايدىكى خەۋىرىگە قارىغاندا ، نەچچە كۈن ئىلگىرى ئامېرىكا ‹‹فوربېس ›› ژۇرنىلى گېرمانىيە زۇڭلىسى مېركېلنى يەنە بىر قېتىم دۇنيادىكى ئەڭ ھوقۇقدار ئايال دەپ باھالىغان . ژۇرنالدا : ‹‹ مېركېل ئىككى گېرمانىيە بىرلىككە كەلگەندىن بۇيانقى شەرقىي گېرمانىيەدىن كەلگەن تۇنجى سىياسىي چولپان بولۇپلا قالماي ، ئۇ يەنە ياۋروپا ئىتتىپاقىنىڭ مۇھىم تىرىكى ۋە پىلانلىغۇچىسى ›› دېگەن .

خەۋەر قىلىنىشىچە ، 2006–يىلىدىكى ‹‹فوربېس ›› ژورنىلىدا ئېلان قىلىنغان 100 نەپەر ئەڭ ھوقۇقدار ئايال تىزىملىكىگە مېركېل تۇنجى قېتىم تاللانغان ، لېكىن 2010–يىلىغىچە 4–بولۇش ئۇنىڭ ئەڭ ياخشى نەتىجىسى ئىدى ، 2011–يىلىدىن باشلاپ ئۇ ئۇدا بىرىنچى بولۇپ كەلدى ، بۇ يىل ئۇنىڭ 4–قېتىم بىرىنچى بولۇشى . ئىگىلىنىشىچە ، ‹‹ فوربېس ›› باھالاپ چىققان دۇنيا بويىچە ئەڭ ھوقۇقدار ئاياللار سىياسىي ۋە ئىقتىسادىي ساھەدىن بولۇپلا قالماي ، يەنە جەمئىيەتتىكى ھەر ساھەلەرنىمۇ ئۆ‍ز ئىچىگە ئالىدىكەن .

مېركېلدىن باشقا، ئامېرىكا مەركىزىي بانكىسىنىڭ باش مۇدىرى جانېت يېللېن ئىككىنچى ، بىل ۋە مېلىندا گايتىس فوندى جەمئىيىتىنىڭ رەئىسى مېلىندا گايتىس ئۈچىنچى ، بىرازىلىيە زۇڭتۇڭى دىلما رۇسسېف تۆتىنچى ، خەلقئارا پۇل فوندى تەشكىلاتىنىڭ باش مۇدىرى كىرىستىن لاگاردې بەشىنچى بولغان .

جانېت يېللېن

دىلما رۇسسېف

كىرىستىن لاگاردې