تاراتقۇلارنىڭ خەۋىرىگە ئاساسلانغاندا، 4-فېۋرال ئوكرائىنا شەرقىدىكى دونىستىك رايونىنىڭ ئەمەلدارىنىڭ بىلدۈرىشىچە، شۇيەردىكى بىر دوختۇرخانىغا زەمبىرەك ئوقى تەگكەن بولۇپ، 3 ئادەمنىڭ ئۆلۈشىنى كەلتۈرۈپ چىقارغان. زەمبىرەك ئوقى يەنە يېقىن ئەتراپتىكى ئائىلىلىكلەر قوروسى ۋە ئېلېكتر ئېنېرگىيىسى لىنىيىسىگە تەگكەن، ئۆلگگن-يارلانغانلار سانى ئىچكىرىلەپ تەقشۈرۈلمەكتە.

3-فېۋرال، دونىستىك رايونىنىڭ بىلدۈرىشىچە، ئۆتكەن بىر كۈن ئىچىدە 5 كىشى توقۇنۇشتا قازا قىلغان بولۇپ، يەنە 13 ئادەم يارىلانغان. زەمبىرەك ئوقلىرى 4 ئۆينى ۋەيران قىلغان.

بۇيىل 1-ئايدىن باشلاپ، ئوكرائىنا توقۇنىشى يەنىمۇ يۇقىرى پەللىگە چىقتى، ئوكرائىنا ھۆكۈمەت ئارمىيەسى بىلەن خەلق ئىچى قوراللىقلىرى كۆپ قېتىم توقۇنۇشۇپ، كۆپلىگەن كىشىلەرنىڭ ئۆلۈپ-يارلىنىشىنى كەلتۈرۈپ چىقاردى.

1-ئاينىڭ 31-كۈنى ئىككى تەرەپنىڭ ئۆتكۈزگەن تىنچلىق سۆھبىتى مەغلۇب بولغان. ئوكرائىنا ھۆكۈمەت ئارمىيەسى ۋە خەلق ئىچى قوراللىقلىرى بىر-بىرىنى ئەيىبلەپ سۆھبەت مۇساپىسىنى بۇزىۋەتتى، ئارقىدىنلا ئىككى تەرەپ چوڭ كۆلەمدە ئەسكەر قوبۇل قىلىپ، تېخىمۇ كەسكىن بولغان جەڭگە تەييارلىق قىلماقتا.