جاھان ئاگېنتلىقى 23-فېۋرال خەۋىرى؛ لەگلەك تورى تەرجىمىسى: مىسىرنىڭ ھەربى ئىنقلاب رەھبىرى پرېزىدېنت ئابدۇلفەتتاھ سىسى ، قۇراللىق گۇرۇپىلارنىڭ ئوتتۇرا شەرق رايۇنىدا يۈكسەلگەن خەتىرىگە قارشى بىرلەشكەن رايۇن خاراكتىرلىك ھەربى كۈچكە بولغان ئېھتىياجنىڭ زۆرۈر ئىكەنلىكىنى ئېيتتى. سىسى دۆلەتلىك تېلىۋىزور قانىلىدا سۆز قىلىپ؛ باشقا دۆلەتلەرگە ھۇجۇم قىلىش ۋە ياكى بېسىپ كىرىشتەك قەدەملەرنىڭ مىسىر قوراللىق كۈچلىرىنىڭ مەقسىتى ئەمەسلىكىنى ، ئەمما زۆرۈر بولغاندا باشقا ئەرەب دۆلەتلىرى بىلەن ئىتتىپاق تەشكىللەپ مىسىرنى ۋە پۈتۈن ئوتتۇرا شەرق رايۇنىنى قوغداشقا تەييار ئىكەنلىكىنى ئىلگىرى سۈردى. سىسى« بىرلەشكەن ئەرەب كۈچى» گە بولغان ئېھتىياجنىڭ ھەرۋاقىت زۆرۈر ئىكەنلىكىنى ۋە بۇنىڭ دەرھال روياپقا چىقىشى كىرەكلىكىنى ئېيتتى.

سىسى بىر ھەپتە بۇرۇن ئىراق ۋە شام ئىسلام دۆلىتىنىڭ 21 مىسىرلىق خىرىستىئاننى ئۆلتۈرۈشىدىن كېيىن ئىئوردانىيە ۋە ئەرەب بىرلەشمە خەلىپىلىكىدىن مىسىرغا ھەربىي ياردەم بېرىش تەكلىپى تەلەپ قىلغانلىقىنى ئېيتتى. ئامېرىكا ئاخبارات ئاگېنتلىقى ئۆتكەن يىلى نويابىرر ئېيىدا، مىسىر، سەئۇدى ئەرەبىستان، ئەرەب بىرلەشمە خەلىپىلىكى ۋە كۇۋەيىتنىڭ بىر ھەربىي ھەمكارلىق كېلىشىمى ھازىرلىغانلىقىنى ئاشكارلىغان ئىدى.

مىسىر ئۇرۇش ئايرۇپىلانلىرى درەنە رايۇنىدا ئىراق ۋە شام ئىسلام دۆلىتىگە تەۋە ئورۇنلارغا ھاۋا ھۇجۇمى قىلغان ئىدى. ئەمما ھاۋا ھۇجۇمىدا كىچىك بالىلارنى ئۆز ئىچىگە ئالغان پۇقرالارنىڭمۇ ئۆلگەنلىكى ئېنىقلانغان ئىدى. سىسى ھۆكۈمىتى مىسىردا بولغىنىدەك لىۋىيەدىمۇ رادىكالىزىمغا قارشى كۈرەش قىلىش نامىدا مۇسۇلمان قېرىنداشلار تەشكىلاتىغا قارشى ھەرىكەتلەر ئ‍ېلىپ بېرىۋاتىدۇ.

لىۋىيەدە ئىنقىلابتىن كېيىن سىياسى مۇقىملىق كاپالەتكە ئىگە بولمىغان بولۇپ ، 2014-يىلى ماي ئېيىدا پىنسىيەگە چىققان گېنىرال ھافتەرنىڭ قۇراللىق گۇرۇپىلىرى بىلەن باشلىغان ھەربى ئىنقلاب پىلانى ترابلۇس ۋە مىسراتادىكى ئىنقلابچى گۇرۇپىلار بىلەن ھەرىكەت قىلىۋاتقان ترابلۇس ھۆكۈمىتى تەرىپىدىن چەكلەنگەن ئىدى. بۇ ۋەقەلەردىن كېيىن بىر قىسىم خەلق ۋەكىللىرىنىڭ « ۋەكىللەر مەجلىسى» نامىدا توبرۇك رايۇنىدا ھەرىكەتكە كېلىشى بىلەن ئىككى مەجلىس پائالىيەت ئېلىپ بېرىۋاتقان لىۋىيەدە مىللى قۇرۇلتاي قوللىغان «فەجرى لىۋىيە ئىتىپاقى» بىلەن ۋەكىللەر مەجلىسى قوللىغان ھافتەرگە تەۋە «غۇرۇر ھەرىكىتى ئىتىپاقى» ئارىسىدىكى تۇقۇنۇشلار داۋام قىلماقتا.