مەيداندا لەگلەك ئۇچۇرۇۋاتقان بوۋايلار، شەھەر ئاسمىنىدا پەرۋاز قىلىۋاتقان كەپتەرلەر... ‹‹ئۈرۈمچى، مەن سېنى سۆيىمەن›› ناملىق جامائەت پاراۋانلىقى قىسقا فىلىمى 6 – يانۋار ‹‹تېڭشۈن›› تورىدا كۆرسىتىلگەندىن كېيىن، 226 مىڭ قېتىم كۆرۈلۈپ، توردا ئالقىشقا ئېرىشتى.

بۇ فىلىمدە ئۈرۈمچى شەھىرىنىڭ چوڭ – كىچىك كوچىلىرىدىكى پۇقرالار سۈرەتكە ئېلىنغان بولۇپ، ئوبرازلىق كۆرۈنۈشلەر ئارقىلىق ئۈرۈمچى شەھىرىدىكىلەرنىڭ تۇرمۇشى ئەكس ئەتتۈرۈلگەن. تۇرمۇشتىكى ئىشلار ئاممىباب تىلدا بايان قىلىنغاچقا، نۇرغۇن كىشىنىڭ دىققىتىنى قوزغىغان.

‹‹ئۈرۈمچى، مەن سېنى سۆيىمەن›› ناملىق قىسقا فىلىم ياش رېژىسسور نيۇ سىيۈەننىڭ يېڭى ئەسىرى. ئۇ دوستلىرى بىلەن ئۈرۈمچىدىكى چوڭ – كىچىك كوچىلارنى ئايلىنىپ يۈرۈپ، بۇ فىلىمنى 180 كۈندە سۈرەتكە ئېلىپ بولغان.

قىسقا فىلىمدىكى موماينىڭ قۇچىقىدىكى بالىنى پەپىلىگەچ، ‹‹ئەقىللىق ئەپەندىم›› ھېكايىسىنى ئېيتىپ بېرىۋاتقان؛ رۇسلارنىڭ ئائىلە يىغىلىشىدا گارمون مۇزىكىسى ياڭراۋاتقان؛ كاۋاپداندا زىرە سېپىلگەن مەززىلىك كاۋاپلار پىشىۋاتقان، كاۋاپچىنىڭ مېھمانلارنى كاۋاپ يېيىشكە چاقىرىۋاتقان؛ بىر كۈن جاپالىق ئىشلەپ ئاپتوبۇسقا ئولتۇرۇپ ئۆيىگە قايتىۋاتقان ياشلارنىڭ ئاپتوبۇستا ئۇخلاپ قالغان قويۇق تۇرمۇش پۇرىقىغا ئىگە كۆرۈنۈشلەر كىشىنى تولىمۇ ھاياجانغا سالىدۇ.

نيۇ سىيۈەن ‹‹ئۈرۈمچى، مەن سېنى سۆيىمەن›› ناملىق قىسقا فىلىم ھەققىدە مۇنداق دېدى: تەڭرىتاغ ئېتىكىگە جايلاشقان گۈزەل شەھەر ئۈرۈمچىدە بىزنىڭ ئارزۇلىرىمىز ۋە مۇھەببىتىمىز بار، ئۈرۈمچى بىزنىڭ يۇرتىمىز.