ۋاڭيى تورى خەۋىرى، نۇر تورى تەرجىمىسى:

بۈگۈن ئۆتكۈزۈلگەن Pwn2Own دۇنيا خاككېرلار مۇسابىقىسىدە، جۇڭگو ۋەكىللەر ئۆمىكى بەش سىكۇنېتتىلا ئالمىنىڭ سافارى (Safari) تور كۆرگۈچىنى بۇزۇۋەتتى ھەمدە Root ھوقۇق چېكىگە ئېرىشىپ، بۇ تۈردىكى تولۇق نومۇر 10 نومۇرغا ئېرىشتى.

تونۇشتۇرۇلىشىچە، ئالمىنىڭ سافارى تور كۆرگۈچىنى مۇۋەپپەقىيەتلىك بۇزغانلار تېڭشۈن تور بىخەتەرلىكى ئۆمىكىنىڭ Shield كوماندىسى ئىكەن، بۇ كوماندا كومپيۇتېر خوجىدارى بىخەتەرلىك تەتقىقاتچىسى ۋە تېڭشۈن يېڭى قۇرغان كېئىن تەجرىبىخانىسىنىڭ ئەزالىرىدىن تەشكىللەنگەن ئىكەن.

تېڭشۈن كومپيۇتېر خوجىدارى ئۆمىكى ئالدىنقى يىلى تۇنجى قېتىم مۇسابىقىگە قاتنىشىپ IE تور كۆرگۈچىنىڭ PDF قىستۇرغۇچىنى بۇزغاندىن كېيىن، بۇ يىل 2-قېتىم خاككېرلار مۇسابىقىسىغا قاتناشقان. ماھىرلار دېڭ شىن، يىلياڭ، ماۋجۈن قاتارلىق بىخەتەرلىك تەتقىقاتچىلىرىنى ئۆز ئىچىگە ئالىدۇ. ماۋجۈن دەل ئالدىنقى يىلى مۇسابىقىگە قاتنىشىپ مۇۋەپپەقىيەتلىك قازانغان ماھىر.

بۇ يىللىق خاككېرلار مۇسابىقىسىدە، تېڭشۈن بىخەتەرلىك ئۆمىكى بۇزغىنى ئەڭ يېڭى نۇسخىدىكى ئالمىنىڭ تور كۆرگۈچىسى سافارى (Safari)، تېخى ئاشكارىلانمىغان ۋە دوكىلات قىلىنمىغان يوچۇقنى ئېچىش ۋە پايدىلىنىشنى تەلەپ قىلىدۇ، ئۇلار دۇنيا مىقياسىدىكى تۇنجى تۈركۈمدە سافارىنىڭ نامەلۇم يوچۇقىنى بايقىغان خاككېرلاردۇر.

دىققەت قىلىشقا تېگىشلىكى، خاككېرلار مۇسابىقىسى ئورگان تەرەپ بۇ نۆۋەتلىك مۇسابىقىنىڭ قائىدىسىنى قېلىپلاشتۇرۇپ تەڭشىگەن ۋە ياخشىلىغان. بۇنىڭ ئىچىدىكى ئەڭ چوڭ تەڭشەش: ئۇيۇشتۇرغۇچى تەرەپ نومۇرى كۆپ بولغان كوماندىنى «دۇنيا چېمپىيونى» دەپ جەزىملەشتۈرىدۇ ھەمدە بۇ ئارقىلىق مۇسابىقىگە قاتناشقان كوماندىنىڭ ئەمەلىي كۈچىنى ئەڭ ئاخىرىدا ئورگان ئاساسىغا قاراپ ھۆكۈم قىلىدۇ.