ريېتىر ئاگېنتلىقىنىڭ خەۋىرىگە قارىغاندا، نېفىت باھاسى پەيشەنبە كۈنى ئۇدا تۆتىنچى كۈنى چۈشۈپ، يەنە بىر قېتىم 12- يىلدىن بۇيانقى ئەڭ تۆۋەن نۇقتىنى بارلىققا كەلتۈرگەن، جۇڭگو پۇل مۇئامىلە بازىرىدا يەنە بىر قېتىم كۈچلۈك دولقۇن كۆتۈرۈلۈپ، ھەر تۇڭ نېفىتنىڭ باھاسى 30 دوللارلىق سەۋىيەگە يېقىنلاشقان.

     يېڭى يىل كىرگەندىن بۇيان نېفىت باھاسى داۋاملىق چۈشتى، ھازىرغا قەدەر چۈشۈش چاستۇتىسى يەنە بىر قېتىم %10 كە يەتتى، يەنى ئىككى سودا كۈنىدىلا مۇشۇنچىۋالا كۆپ چۈشۈش بارلىققا كەلدى. پەيشەنبە كۈنى لوندون بېرېنت خام نېفتى ۋە ئامېرىكا خام نېفىت قەرەللىك مېلىنىڭ ھەر تۇڭىنىڭ باھاسى 32 دوللارغا يېقىنلىشىپ، 2004- يىلدىن بۇيانقى ئەڭ تۆۋەن نۇقتا بارلىققا كەلدى، جۇڭگو پاي بازىرىدا يەنە بىر قېتىم كۈچلۈك داۋالاغۇش كۆرۈلۈپ، ئەسىلىدىلا نېفىت بىلەن تەمىنلەشنىڭ ئېھتىياجدىن ئېشىپ كېتىشىدىن ئەندىشە قىلىۋاتقان مەبلەغ سالغۇچىلار تېخىمۇ ئولتۇرالماي قالدى.