لوندون ھايدى باغچىسى پوچتا ئىدارىسىنىڭ ئالدىدا بىر سىگان ئەر-خوتۇن 800 فوندستېرلىڭنى رۇمىنىيەگە ئەۋەتىش ئۈچۈن ئۆچرەتتە تۇردى.

      ئەنگلىيە «كۈندىلىك پوچتا گېزىتى»نىڭ ئىگەللىشىچە، 29 ياشلىق پېرتۇ بىلەن 25 ياشلىق ئانكۇتا رۇمىنىيەدىن كەلگەن بولۇپ تۆت بالىسى بار ئىكەن. يېقىندا ئۇلار 38 فوندستېرلىڭ خەجلەپ ئايروپىلانغا ئولتۇرۇپ ئەنگلىيەگە كەلگەن. ھەركۈنى لوندون ئوكسفورد كوچىسىدا تىلەمچىلىك قىلغان، بىر ھەپتىدىن كېيىن ئۇلار تاپقان 800 فوندستېرلىڭنى يۇرتىغا سالغان.

      پۇلنى سېلىۋەتكەندىن كېيىن پېتۇر دەرھال تىلەمچىلىكىنى داۋاملاشتۇردى. ئۇ بىر يېمەكلىك زالىدا تۇرغان بولۇپ ئانكۇتا چۈشلۈك يېمەكلىك سېتىۋېلىش ئۈچۈن كەتكەن. كېلەر يىلى ئۇلارنىڭ بەشىنچى بالىسى تۇغۇلىدۇ.

  كىشىلەر يولدىن ئۆتكەندە پېترۇ قولىنى سوزدى، ئارىلاپ ئانچە تەبىئىي بولمىغان ھالدا يېنىدىكى ھاسىسىنى ئوينىتىپ ئۆزىنىڭ مېڭىشىنىڭ قولاي ئەمەسلىكىنى ئىسپاتلىماقچى بولغاندەك قىلاتتى. ئانكۇتا كەلگەندىن كېيىن ئۇ دەرھال ئورنىدىن تۇردى، ئىككەيلەن ھايدى باغچىسىغا بېرىپ چىملىقتا ئولتۇرۇپ تاماق يېدى.

پېترۇنىڭ دېيىشىچە ئۇلار 38 فوندسېترلىڭ خەجلەپ ئەنگلىيەگە كەلگەن، بالا بېقىشقا بەك جىق پۇل كېتىدىغان بولۇپ ئۇلارنىڭ تىلەمچىلىك قىلىشتىن باشقا پۇل تاپىدىغان ئامالى قالمىغان.

بىر مۇخبىر ئۇنىڭغا 10 فوندسېترلىڭ بەرگەن، ئانكۇتا پۇلنى ئالغاندىن كېيىن ئانچە ئېرەڭشىمەي:«بۇ مېنىڭ پۇل سېلىشىمغىمۇ يەتمەيدۇ، يەنە بارمۇ؟» دېدى.

«مېنىڭ بالىلىرىمنىڭ يەيدىغان نەرسىسى قالمىدى، ئاپامنىڭ كۆزى كۆرمەيدۇ. رۇمىنىيەدە بىز قەتئىي خىزمەت تاپالمايمىز، بىزنىڭ ھېچ نەرسىمىز يوق» دېدى.

مۇخبىرنىڭ بىلدۈرىشىچە رۇمىنىيەدە ئايلىق مائاش 176 فوندسېترلىڭ ئىكەن، لوندوندا تىلەمچىلىك قىلسا بۇنىڭدىن خېلىلا جىق پۇل تاپقىلى بولىدىكەن. ئانكۇتا بۇنىڭغا قارىتا قىلچە تەمتىرىمەي:«بىزگىمۇ ئاسان ئەمەس، بىز كۈن بويى سىرتتا تۇرىمىز، ساقچىلار دائىم كېلىپ بىزنى قوغلايدۇ» دېدى.

ئۇلارنىڭ تۇرىدىغان يېرى يوق، كەچتە مۇنداقلا بىرەر يەرنى تېپىپ ئۇخلايدۇ، بەزىدە ئەتراپتىكى باشلانغۇچ مەكتەپنىڭ سىرتىدا تۇرىدۇ. مەكتەپ سىگانلارنىڭ مەكتەپ سىرتىدا ئۇخلىشىنى چەكلىگەن، يېرىم كېچىدە ئۇخلاۋاتقانلارغا سۇ پۈركۈپ ئۇلارنىڭ ئۇ يەردە ئۇخلىشىنى چەكلەيدۇ. مەكتەپ رۇمىنىيە تىلىدا ئۇقتۇرۇش چىقىرىپ ئۇلارنى مەكتەپ سىرتىدا ئۇخلاشتىن ئاگاھلاندۇرغان. لېكىن پېترۇ بىلەن ئانكۇتا بۇ ئۇقتۇرۇشنى چۈشەنمىگەن بولۇشى مۇمكىن، چۈنكى مەكتەپ تەرەپمۇ رۇمىنىيە تىلىنى بىلمەيدۇ، ئۇلار ئۇقتۇرۇشنى ماشىنا ئارقىلىق تەرجىمە قىلغان. بىر تەرجىماننىڭ بىلدۈرىشىچە مەكتەپنىڭ ئۇقتۇرۇشى مۈجىمەل ئىكەن لېكىن يەنە يازغاننىڭمۇ پايدىسى يوق ئىكەن، چۈنكى نۇرغۇن رۇمىنىيەلىكلەر خەت تونىمايدىكەن.