نىيۇيوركتىكى ئىگىلىك تىكلەش شىركىتى-Genepeeks يېقىندا ئۆزىنىڭ ئەڭ يېڭى تېخنىكىسىنى ئېلان قىلغان بولۇپ، ئۇلارنىڭ بۇ تېخنىكىسىدا ئىسپېرما تەقدىم قىلغۇچىلار بىلەن ئىسپېرما قوبۇل قىلغۇچى تەرەپنىڭ ئىرسىيەت ئۇچۇرلىرىغا ئاساسەن نەچچە مىڭلىغان سىفىرلىق ھامىلە پەيدا قىلىپ چىققىلى بولىدىكەن، شۇنداقلا يەنە بۇ ئىسپېرما بىلەن ئۇرۇق بىرىككەندىن كېيىن تۇغۇلىدىغان بالىنىڭ ئەھۋالىنى ئاساسىي جەھەتتىن ئالدىن پەرەز قىلىپ بىلگىلى بولىدىكەن. بۇ تۈرلۈك تېخنىكا مۇلازىمىتى ئارقىلىق كەلگۈسىدىكى ئاتا-ئانا بولغۇچىلارغا بىر قىسىم يۇقىرى خېيىم خەتەرگە ئىگە بولغان ئىرسىيەت كېسەللىكلىرىدىن ئاگاھلاندۇرۇش بەرگىلى بولىدىغان بولۇپ، بۇ تۈرلۈك تەتقىقات نەتىجىسى ئاللىقاچان مۇشۇ يىلنىڭ باشلىرىدا مەزكۇر شىركەت تەرىپىدىن ئوڭۇشلۇق ئىگەللەنگەن ھەم كەلگۈسىدىكى ئاتا-ئانا بولغۇچىلارغا ئۆزىنىڭ تۇغۇلمىغان بوۋىقىغا قارىتا تاللاش ئېلىپ بارغىلى بولىدىغانلىقىدىن يوشۇرۇن بېشارەت بەرگەنىدى.

لېكىن بۇ خىل تېخنىكا تۈرى تەتقىقاتىغا نىسبەتەن، بەزى ئامېرىكىلىقلار قارشى تۇرۇش پوزىتسىيىسىدە بولغان بولۇپ، ئۇلارنىڭ قارىشىچە بۇنداق قىلىش سەل ئەخلاقسىزلىق ھەم ئادىمىيلىككە يات بولۇپ، ھەر بىر ئىنساننىڭ تۇغۇلۇشى بولسا تەڭرىنىڭ ئۇلارغا قىلغان ئىنايىتى بولۇپ، بۇ خىل ھوقۇققا ھەر قانداق كىشى ھەم تەشكىلات سۈنئىي ۋاسىتىلەر ئارقىلىق تەسىر كۆرسەتمەسلىكى ۋە تاللاش ئېلىپ بارماسلىقى لازىم ئىكەن. ئۆتكەن يىلى 23andMe شىركىتىمۇ مۇشۇنىڭغا ئوخشاپ كېتىدىغان بىر خىل تېخنىكا تەتقىقات تۈرىدە مۇۋەپپەقىيەت قازانغان بولۇپ، لېكىن نۇرغۇنلىغان ئامېرىكا پۇقرالىرى بۇ خىل تېخنىكىغا قاتتىق نارازىلىق بىلدۈرگەنىدى.

لەگلەك تور ئۈندىدار سالونىنى قۇشىۋېلىڭ ،ئىزدەش نومۇرى :LEGLEK