ئامېرىكا «ۋاشىنگىتون كۈندىلىك پوچتا گېزىتى» نىڭ 4-چېسلا خەۋەر قىلىشىچە، يېقىندا بىر مۈشۈكنىڭ مايمۇنغا ئوخشاش كىيىم كىيىپ بانان يېمەكچى بولغانلىقىغا ئائىت بىر ۋىدىيو توردا ناھايىتى تېز تارقىلىشقا باشلىدى. بىراق مۈشۈكنى بۇنداق قىلدۇرۇش قىززىقچىلىقمۇ ياكى ئۇنى ئازابلاشمۇ، دېگەن مەسىلە توغرىسىدا غۇلغۇلا قىلىشتى.

     ئەنگىلىيە «كۈندىلىك پوچتا گېزىتى» نىڭ 3-چىسلا خەۋەر قىلىشىچە، «مۈشۈك+مايمۇن 2016» (Cat + Monkey 2016) دەپ نام بېرىلگەن مەزكۇر ۋىدىيو YouTube ۋە Facebook  ئالاقە تورى تورلىرىدا تارقىتىلغان. ۋىدىيودابىر مۈشۈك مايمۇننىڭ تېرىسىگە ئوخشىشىپ كېتىدىغان بىر كىيىمنى كىيىۋالغان بولۇپ، چىرايىلا ئېنىق كۆرۈنۈپ تۇراتتى. مۈشۈكنىڭ ئىگىسى بىر تال باناننى ئۇنىڭغا تەڭلەۋاتاتتى. كېيىن مۈشۈك لىققىدە مېۋە-چېۋە تولدۇرۇلغان ئۈستەل ئالدىدا، ئالدىدىكى باناننى يالىماقتا ئىدى. مەزكۇر ۋىدىيو قىسقىغىنە ئىككى كۈن ئىچىدە ئالتە مىليون 700 مىڭ قېتىم كۆرۈلدى ۋە 100 قېتىم «يۈرەك» كە ئېرىشتى.

بىراق تورداشلارنىڭ مۈشۈكنى بۇنداق ياساپ قويۇش توغرىلىق كۆز-قارىشى ئوخشاش بولماي، تەخمىنەن 50 مىڭدىن ئارتۇق ئادەم ۋىدىيو ئاستىغا ئۆزلىرىنىڭ كۆز-قاراشلىرىنى يېزىپ مۇنازىرلەشتى.

بىر قىسىم كىشىلەر بۇنداق قىلىش ھايۋاناتلارنى خورلىغانلىق دەپ قارىدى. مىكخائېل گىپېئارسون (Michael Gpearson) ئىسىملىك بىر تورداش ئالاقە تورى Facebook تا مۇنداق دەپ يازدى:«ۋىدىيودىن مۈشۈكنىڭ ئانچە راھەت ھېس قىلمىغانلىقىنى كۆرىۋېلىشقا بولىدۇ، چۈنكى ئۇ مايمۇن تېرىسى كىيىمى ئىچىدە سىقىلىپ قالغان ئىدى».

چېريىل ئاندېرسون كارتېر (Cheryl Anderson Carte) مۇنداق دېدى:«بىز سېنى مايمۇندەك ياساپ قويىمىز، ئاندىن ساڭا بانان بېرىمىز، ئاندىن ۋىدىيو ئىشلەيمىز، بۇنداق قىلغاندا بەك قىززىق بولىدۇ». سارا خانلېي (Sarah Hanley) قاتارلىق بىر قىسىم كىشىلەر بۇ ۋىدىيو بەكمۇ قىزىقارلىق ئىكەن، دەپ قاراشتى.