جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەملىكەتلىك سىياسىي كېڭەشنىڭ رەئىسى يۈ جېڭشېڭ 27-ئىيۇن چۈشتىن بۇرۇن ‹‹خەلق›› سارىيىدا جۇڭگو گومىنداڭ پارتىيەسىنىڭ مۇئاۋىن رەئىسى، تەيبېي شەھىرىنىڭ باشلىقى خاۋ لوڭبىن قاتارلىقلار بىلەن كۆرۈشتى

شىنخۇا تورى، بېيجىڭ، 27-ئىيۇن تېلېگراممىسى: جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەملىكەتلىك سىياسىي كېڭەشنىڭ رەئىسى يۈ جېڭشېڭ 27-ئىيۇن چۈشتىن بۇرۇن ‹‹خەلق›› سارىيىدا جۇڭگو گومىنداڭ پارتىيەسىنىڭ مۇئاۋىن رەئىسى، تەيبېي شەھىرىنىڭ باشلىقى خاۋ لوڭبىن قاتارلىقلار بىلەن كۆرۈشتى.

يۈ جېڭشېڭ مۇنۇلارنى بىلدۈردى: ئىككى قىرغاق مۇناسىۋىتىنىڭ تىنچ تەرەققىياتى ئىككى قىرغاقتىكى قېرىنداشلارنىڭ تارىخنىڭ يۆنىلىشىگە بويسۇنۇپ چىقارغان ئورتاق تاللىشى بولۇپ، ئىككى قىرغاقتىكى قېرىنداشلارنىڭ ئورتاق مەنپەئەتى ۋە جۇڭخۇا مىللەتلىرىنىڭ ئۇزاق مۇددەتلىك مەنپەئەتىگە ئۇيغۇن. بىز داۋاملىق تەيۋەنلىك قېرىنداشلار بىلەن بىرگە، بىر جۇڭگونى قەتئىي قوللاپ، ‹‹تەيۋەن مۇستەقىللىقى››غا قارشى تۇرۇشتىكى ئورتاق سىياسىي ئاساسنى مۇستەھكەملەپ ۋە چوڭقۇرلاشتۇرىمىز، ئىككى قىرغاقنىڭ ئالماشتۇرۇش ۋە ھەمكارلىقىنى داۋاملىق كېڭەيتىپ، ئىككى قىرغاق مۇناسىۋىتىدە يېڭى تەرەققىياتلارنى قولغا كەلتۈرۈشكە تىرىشپ تۈرتكە بولۇپ، ئىككى قىرغاق خەلقىگە بەخت يارىتىپ، جۇڭخۇا مىللەتلىرىنىڭ ئۇلۇغ گۈللىنىشىنىڭ پارلاق ئىستىقبالىنى ئورتاق يارىتىمىز.