ئىستاتىستىكا ئىدارىسى ئۈرۈمچى تەكشۈرۈش ئەترىتىنىڭ تەكشۈرۈش ماتېرىيالىدا كۆرسىتىلىشىچە، سېنتەبىردە ئۈرۈمچى شەھەر ئاھالىلىرىنىڭ ئىستېمال باھا ئومۇمىي سەۋىيەسى (CPI) بۇلتۇرنىڭ ئوخشاش مەزگىلىدىكىدىن %2.3 ئۆرلىگەن، ئۆرلەش سالمىقى ئالدىنقى ئايدىكىدىن 0.9 پىرسەنت پوئېنت تۆۋەنلىگەن.

CPI نىڭ تۆۋەنلىشى مال باھاسى ئۆرلەش سۈرئىتىنىڭ ئاستىلىغانلىقىنى چۈشەندۈرىدىكەن، بۇنىڭدىن ئاساسلىقى، ئاھالىلەرنىڭ ئىستېمال مىقدارى ئەڭ كۆپ بولىدىغان گۆش، كۆكتات باھاسىنىڭ مۇقىملاشقانلىقىنى كۆرۈۋالغىلى بولىدىكەن.

سېنتەبىردە ئۈرۈمچى شەھىرىدە ئاھالىلەر كۆپ ئىستېمال قىلىدىغان 30 خىل كۆكتاتنىڭ ھەر كىلوگىرامىنىڭ ئوتتۇرىچە توپ سېتىلىش باھاسى 2.88 يۈەن بولغان؛ قوي، توخۇ، كالا گۆشىنىڭ باھاسى ئازراق تۆۋەنلىگەن. ئۆكتەبىردىن كېيىن ھاۋا كىلىماتىنىڭ تەسىرىدە رايونىمىزدا كۆكتات تەمىناتى داۋاملىق ئازىيىپ، كۆكتات باھاسى سەل - پەل ئۆرلەيدىكەن؛ مېۋە - چىۋە بازىرىدا پەسىلسىز مېۋە - چىۋىلەر ئاساسلىق ئورۇندا تۇرۇپ، باھاسىمۇ داۋاملىق ئۆرلىشى مۇمكىنكەن.