يۇقىرى سۈرئەتلىك يولدا تۆۋەندىكىدەك بەش خىل قىلمىشنى سادىر قىلسىڭىز، بىۋاسىتە 12 نومۇر تارتىلىدۇ.

1. باشلاش سىزىقىدا ماشىنا توختىتىش

   باشلاش سىزىقى ئۈستىدىن ئاپتوموبىلنى ھەيدەپ ئۆتۈپ كېتىشكە بولسىمۇ، ھەرگىز ئۇزاق ۋاقىت توختاشقا بولمايدۇ. ئەگەر سۈرەتكە چۈشۈپ قالسىڭىز، بىۋاسىتە 12 نومۇرىڭىز تارتىلىدۇ. 

2. سۈرئەتتىن ئاشۇرۇپ ھەيدەش ۋە يول تالىشىپ ھەيدەش

    يۇقىرى سۈرئەتلىك يولدا يۈرگەندە، سۈرئەتنى ئاشۇرۇپ ھەيدىگەندە ئۆزى ۋە باشقىلارغا زىيانكەشلىك قىلىپلا قالماستىن، يەنە 12 نومۇر تارتىلىدۇ. ئۇنىڭدىن باشقا، ئالدى تەرەپتىكى ئاپتوموبىللار ياندىشىپ مېڭىۋاتقاندا، ھەرگىزمۇ قارىغۇلارچە يانداشقا ياكى يول تالىشىشقا بولمايدۇ. بولۇپمۇ ئالدى تەرەپتىكى ئاپتوموبىل چوڭ تىپتىكى ئاپتوموبىل بولغاندا، ناھايىتى ئاسانلا قاتناش ھادىسىسى كېلىپ چىقىدۇ.

3. ئاپتوموبىلنى ئارقىغا ياندۇرۇش

  يۇقىرى سۈرئەتلىك يولدا يۈرگەندە، ئېھتىياتسىزلىقتىن يول ئېغىزىدىن ئۆتۈپ كەتكەندە، ئارىلىق قىسقا بولغان تەقدىردىمۇ، ھەرگىز ئارقىغا ياندۇرۇشقا بولمايدۇ. چوقۇم داۋاملىق يول يۈرۈپ، كېلەركى چىقىش ئېغىزىدىن چىقىش كېرەك. چۈنكى، ئاپتوموبىلنى ئارقىغا ياندۇرغاندا، ناھايىتى ئاسانلا ئارقىدىن سوقۇلۇش ۋەقەسى كېلىپ چىقىدۇ. شۇنىڭغا دىققەت قىلىشىمىز كېرەككى، يۇقىرى سۈرئەتلىك يولدا ئاپتوموبىلنى ئارقىغا ياندۇرسا، 200 يۈەن جەرىمانە قويۇلۇپ، 12 نومۇر تارتىلىدۇ. ئەگەر سوقۇلۇش ۋەقەسى كېلىپ چىقسا، ئارقىغا يانغان ئاپتوموبىل پۈتۈن مەسئۇلىيەتنى ئۈستىگە ئالىدۇ.

4. ئوڭ تەرەپتىن مەجبۇرىي يانداش

ئەگەر ئالدى تەرەپتىكى ئاپتوموبىلنىڭ سۈرئىتى ئاستا بولۇپ، سول تەرەپتىن يانداش قولايسىز بولسا، يانداشقا ئالدىراشقا بولمايدۇ. چۈنكى، ئوڭ تەرەپتىن مەجبۇرىي ياندىغاندا خەتەرلىك بولۇپلا قالماستىن، يەنە 12 نومۇر تارتىلىدۇ.

5. جىددىي ئەھۋال يولىنى ئۇزاق ۋاقىت ئىگىلەپ يول يۈرۈش

يول توسۇلۇپ كەتكەندە، بەزى شوپۇرلار ئەڭ ئوڭ تەرەپتىكى جىددىي ئەھۋال يولىغا كىرىۋالىدۇ. بۇ يول ھاياتنى قۇتقۇزۇش يولى بولۇپ، بۇ يولنى ئىگىلەپ يول يۈرگەنلەرنىڭ 12 نومۇرى تارتىلىدۇ.