خېيۈەن شەھىرى زىجىن ناھىيىسىدىكى مەلۇم تورداشنىڭ ئاشكارىلىشىچە، تۈنۈگۈن (2-فېۋرال) چۈشتىن كېيىن سائەت 16:00 لەر ئەتراپىدا زىجىن ناھىيىسى گۇجۇ بازىرى شاڭشيادۇڭ كەنتى يول بۆلىكىدە غەيرىي قاتناش ھادىسىسى يۈز بەرگەن بولۇپ، كېتىۋاتقان بىر پىكاپنىڭ يۆلىنىشى توساتتىن ئېغىشىپ، يول بويىدىكى ئېتىزلىققا تۆت چاقى ئاسمانغا قارىغان ھالەتتە پېتىپ قالغان، ماشىنا ئىچىدىكى ئۈچەيلەن ئوخشىمىغان دەرىجىدە يارىلانغان.

      شۇ جايدىكى تورداشلارنىڭ دېيىشىچە، ئەينى ۋاقىتتا ماشىنىدىكى ئۈچەيلەنلا يارىلانغان بولۇپ، شوپۇرنىڭ پۇتى سۇنغاندىن سىرت، قالغان ئىككەيلەن قاتتىق يارىلانمىغان بولسىمۇ ئەس-ھوشىنى يوقىتىپ قويغان، بەختكە يارىشا يولدىن ئۆتۈپ كېتىۋاتقان ياخشى نىيەتلىك كىشىلەر ئۈچەيلەننى قۇتۇلدۇرىۋالغان. ماشىنا ئىچىدىكى بىرەيلەننىڭ شۇ جايدىكى مەلۇم تورداشقا ئاشكارىلىشىچە، ئەينى ۋاقىتتا شوپۇر ئېتىز بويىدىكى يولدا بىر قولىدا ماشىنا ھەيدىگەچ يەنە بىر قولىدا ئۈندىدارىدا قىزىل بولاق تالىشىۋاتقان بولۇپ، شوپۇرغا 2.5 يۈەنلىك قىزىل بولاق چىققان، بۇ چاغدا ئېھتىمال شوپۇر بەك ھاياجانلىنىپ كەتكەن بولسا كېرەك، ماشىنىنىڭ ئېتىز تەرەپكە ئېغىشىپ كېتىۋاتقانلىقىنىمۇ سەزمەي قالغان.

نۇر تورى تەشۋىقاتى بارلىق شوپۇر دوستلارنىڭ ئۆز بىخەتەرلىكى ۋە يېقىنلىرىنىڭ ئامان-ئېسەنلىكى ئۈچۈن ماشىنا ھەيدىگەندە پۈتكۈل دىققىتىنى يولغا مەركەزلەشتۈرۈشكە سەمىمىي ئەسكەرتىمىز !