بۈگۈنكى باش خەۋەرلەر تورى، لەگلەك تورى تەرجىمىسى

يېقىدا ئاخىرلاشقان 2014MWC - يىللىق كۆرگەزمىسىدە، مىكروسوفت تەرەپ ھازىر نوكىيا، HTC، سامسۇڭ قاتارلىق ھەمكارلاشقۇچىلاردىن باشقا يەنە بىر تۈركۈم يېڭى قاتتىق دېتال ياساش زاۋۇتلىرىنىڭ قوشۇلغانلىقىنى، مەملىكىتىمىزنىڭ داڭلىق ماركىسى "لىيەنشاڭ" مۇ شۇلارنىڭ ئىچىدىكى بىرى ئىكەنلىكىنى ئېلان قىلغان. ئەڭ يېڭى خەۋەرلەرگە ئاساسلانغاندا، لىيەنشاڭ بۇ يىل 4- ئاي مەزگىلىدە ئۆزىنىڭ تۇنجى windows سىستېمىلىق ئەقلىي ئىقتىدارلىق يانفونىنى ئىشلەپ چىقارماقچىكەن.

ھازىر لىيەنشاڭ ئەقلىي ئىقتىدارلىق يانفون ساھەسىدە ئاۋۋالقىدەكلا Android سىستېمىسىنى ئاساس قىلغان بولسىمۇ، ئەمما لىيەنشاڭنىڭ windows سىستېمىسى قاچىلانغان خاتىرە كومپيۇتېر ۋە تاختا كومپيۇتېرى يەنىلا تەرەققىياتىنىڭ مۇھىم نوقتىسى، ئەڭ چوڭ پايدا مەنبەسى بولۇپ كەلمەكتە. بەلكىم دەل مۇشۇ ئەھۋال تۈپەيلى لىيەنشاڭ windows كەسىپ زەنجىرىدىكى ئورنىنى تېخىمۇ مۇستەھكەملەشنى ئويلىغان، windows سىستېمىلىق يانفوننىڭ ئوتتۇرىغا چىقىشى دەل لىيەنشاڭنىڭ بۇ يوچۇقىنى تولدۇرۇشىغا ياردەم قىلالايدۇ.

بۇندىن باشقا ھازىر بىزنىڭ لىيەنشاڭنىڭ بۇ windows سىستېمىلىق ئەقلىي ئىقتىدارلىق يانفونى توغرىسىدا بىلىدىغان ئۇچۇرلىرىمىز كۆپ ئەمەس. پەقەت مەزكۇر يانفوننىڭ كېيىنچە ئوتتۇرىچە سېتىلىش باھاسىنىڭ 420 ئامېرىكا دوللىرى(تەخمىنەن 2584 يۈەن خەلق پۇلىغا تەڭ) بولىدىغانلىقىنى، 400 Snapdragon ياكى 600 قاتارلىق بىر تەرەپ قىلغۇچ سەپلىنىدىغانلىقىنى، ئېكرانىنىڭ تەخمىنەن 4.5 دىيۇم بىلەن 5.0 دىيۇم ئارىلىقىدا بولىدىغانلىقىنى بىلدۇق. سىستېما جەھەتتە، مەزكۇر يانفونغا يېقىندا ئېلان قىلىنماقچى بولغان Windows Phone 8.1 سىستېمىسى قاچىلىنىدىكەن، مەلۇماتلارغا ئاساسلانغاندا، بۇ قېتىملىق سىستېما يېڭىلىنىشى نۇرغۇنلىغان يېڭىلىقلارنى ئېلىپ كېلىدىكەن.

مەنبەسى بۈگۈنكى باش خەۋەرلەر تورى