يەر شارى خەۋەر تورى 4-ماي خەۋىرى؛ لەگلەك تورى تەرجىمىسى: ئەسەبى تېرور تەشكىلاتى ئىراق ۋە شام ئىسلام دۆلتى تەشكىلاتى ISIS نىڭ ئىراقنىڭ غەربىدىكى ئەنبار ۋىلايىتىگە قاراشلىق فەللۇجە رايۇنىدا رادىئو تارقىتىشنى باشلىغانلىقى بىلدۈرۈلدى. يەرلىك قەبىلە دائىرلىرىدىن ئېرىشكەن ئۇچۇرغا ئاساسلانغاندا، ISIS تەشكىلاتى 2014-يىلى ئوتتۇرىدىن بۇيان كونترول قىلىۋاتقان فەللۇجەدە « ئەل بەيىن» نامىدا تۇنجى قېتىم رادىئو تارقىتىشنى باشلىدى. يۇقارقى رادىئودا ISIS قۇراللىقلىرىنىڭ ئېلىپ بارغان ھەربىي ھەرىكەتلىرى ۋە فەللۇجەدىكى باشقا پائالىيەتلەر بىلەن بىرگە قۇرئان كەرىم تىلاۋىتى ۋە ئىسلامى تەشۋىقات ئېلىپ بېرىلغانلىقى بىلدۈرۈلدى.
ئىراق مۇداپىئە مىنىستىرى خالىد ئۇبەيدى تېرور تەشكىلاتى ISIS بىلەن كەڭ دائىرلىك جەڭ بولىۋاتقان ئەنبار ۋىلايىتىدە ۋەزىپە ئۆتەۋاتقان ئەسكەرلەرنى تەكشۈردى. مۇداپىئە مىنىستىرلىكدىن ئېلان قىلىنغان باياناتتا، ئۇبەيدىنىڭ ئەنبارنىڭ ئەڭ چوڭ رايۇنى فەللۇجەنىڭ تەخمىنەن 10 كىلومىتىر شەرقىدىكى ئەل-كەرامە ۋە نازىم ئەت-تاقسىم رايۇنىدا ئورۇنلاشتۇرۇلغان ئەسكەرلەرنى نازارەت قىلغانلىقىنى بىلدۈرۈلدى.