يېقىنقى يىللاردىن بۇيان كورىيەدە كىشىلەرنىڭ بېسىمىنى يەڭگىللىتىش ۋە ھاياتلىق نىشانىنى تەڭشىشى مەقسەت قىلىنغان «تەقلىدىي دەپنە مۇراسىمى» مودىغا ئايلانغان.

22-دېكابىر ئۆتكۈزۈلگەن تەقلىدىي دەپنە مۇراسىمىدا 14 ئادەم ئايرىم-ئايرىم جەسەت ساندۇقىغا كىرىپ 10 مىنۇت جىمجىت يېتىپ «ئۆلۈم» تۇيغۇسىنى ھېس قىلغان. كېيىن جەسەت ساندۇقى ئېچىلغاندىن كېيىن ئۇلار كەيپىياتى ناھايىتى مۇرەككەپ ھالدا ئايرىلغان.

بۇ يىل 67 ياشقا كىرگەن ۋاڭ يىڭپۇ يىغىلامسىراپ: «مەن داۋاملىق ياشاش كۈچىگە ئىگە بولدۇم. مەن قازا قىلغان ئاپامنى ئەسكە ئالدىم... ئۇ ياش ۋاقتىدا ناھايىتى گۈزەل ھەم سېخىي ئىدى»دېگەن.

جەسەت ساندۇقىغا كىرىشتىن بۇرۇن بۇ پائالىيەتكە قاتناشقۇچىلار ھاياتلىق ۋە ئۆلۈم ھەققىدىكى بىر مەيدان لېكسىيەنى ئاڭلىغان، راك كېسىلىگە گىرىپتار بولغۇچىلارنىڭ ئۆلۈم ئالدىدا ئائىلىسىدىكلەر بىلەن خوشلاشقان ھۈججەتلىك فىلىمنى كۆرگەن ۋە ئۆزىنىڭ ۋەسيەتنامىسىنى يازغان.

نۇرغۇنلىغان كىشىلەرنىڭ بىلدۈرىشىچە ئۇلارنىڭ ئۆزى ئۈچۈن تەقلىدىي دەپنە مۇراسىمى ئۆتكۈزۈشى بېسىمنى يەڭگىللىتىش ئۈچۈن ئىكەن. كورىيە ئۆلۈش نىسبىتى جەھەتتە تەرەققىي تاپقان ئەللەر ئارىسىدا ئالدىنقى ئورۇندا تۇرىدۇ؛ بولۇپمۇ ياشلار دۇچ كېلىدىغان بېسىم ناھايىتى ئېغىر، مەسلەن ئالىي مەكتەپ ئىمىتىھانى رىقابىتى، خىزمەت تېپىشنىڭ تەسلىشىشى، خىزمەت ۋاقتىنىڭ ئۇزۇن بولۇشى، جەمئىيەتتىكى باراۋەرسىزلىكنىڭ كۈچىيىشى قاتارلىق.

پائالىيەتكە قاتناشقان بىر قىسىم كىشلەر تەقلىدىي دەپنە مۇراسىمىنىڭ ئۇلارنىڭ ھاياتلىق ھەققىدە قايتا ئويلىنىشغا سەۋەب بولغانلىقى، كەلگۈسىنى تېخىمۇ ياخشى پىلانلاشقا ياردەمدە بولغانلىقىنى ئېيتتى.بىر قاتناشقۇچى ئۆكسۈپ تۇرۇپ:« مەن توي قىلغان ئۈچ يىلدىن بۇيان ھېچ ئىش قىلمىغانلىقىمنى ئەسكە ئالدىم، ئائىلەمدىكىلەر ئالدىدا خىجىلمەن»دېدى.