‫سىنا تورى خەۋىرى، لەگلەك تورى تەرجىمىسى :شىنخۇا تورى كاتماندۇ 5-ئاينىڭ 3-كۈنى تېلىگىراممىسى: نېپال ئىچكى ئىشلار مىنىستىرلىكى ئېلان قىلغان ئەڭ يېڭى سانلىق مەلۇماتتا كۆرسىتىلىشچە، 4-ئاينىڭ 25-كۈنى بۇ دۆلەتتە يۈز بەرگەن كۈچلۈك يەر تەۋرەش 7056 ئادەمنىڭ ئۆلۈشىنى كەلتۈرۈپ چىقارغان.

نېپال سەھىيە تارماقلىرىنىڭ مۆلچەرلىشچە، شىندۇپارچىكى ۋە كوركى قاتارلىق ئېغىر ئاپەتكە ئۇچرىغان رايونلاردا زور مىقداردا داۋالاش ئەسلىھەلىرى يەر تەۋرەشتە بۇزۇلغان بۇلۇپ، يارلانغانلارنى داۋالاشتا توسالغۇ ئېلىپ كەلگەن.ئاپەتكە ئۇچرىغان چەت-ياقا رايونلارغا داۋالاش قوشۇنى ۋە ماددىي ئەشيا تېخى يېتىپ بارمىغان. ئاپەتكە ئۇچرىغان خەلق داۋالاش ۋە ياردەمنى ساقلىماقتا.

نېپال سەھىيە تارماقلىرى مۇنداق دېدى: ھازىرقى باسقۇچتا تەخمىنەن 50 خەلقئارا ۋە دۆلەت ئىچى داۋالاش قوشۇنى ھەر قايسى ئاپەت رايونىغا يېتىپ باردى.

نېپال مەدەنىيەت،ساياھەت ۋە پۇقرالار ئاۋىياتسىيەسى قاتارلىق ئورۇنلار ئېلان قىلغان مەلۇماتقا ئاساسلانغاندا، 4-ئاينىڭ 25-كۈنىدىكى كۈچلۈك يەر تەۋرەش ھىندىستاندىكى 60 نەچچە ئىبادەتخانىنىڭ ئۆرۈلۈپ كىتىشىنى، 200 نەچچە ئىبادەتخانىنىڭ قىسمەن بۇزۇلۇشىنى كەلتۈرۈپ چىقارغان.شۇ جايدىكى تەھلىلچىلەر بۇ قېتىمقى يەر تەۋرەش نېپالنىڭ مەدەنىيەت ۋە ساياھەت كەسپىگە ئېغىر تەسىر كۆرسەتتى دەپ قارىدى.